თბილისში გაიმართა ორდღიანი ბიზნესგამოფენა — ადამიანები ბიზნესის უკან და მასში ქართული ბიზნესის 55-მდე წარმომადგენელმა და 3000-ზე მეტმა სტუმარმა მიიღო მონაწილეობა. ღონისძიება გაყიდვების ასოციაციის ორგანიზებითა და თიბისი ბიზნესის მხარდაჭერით ჩატარდა.

ბიზნეს გამოფენის მიზანი იყო მონაწილე კომპანიებისთვის შესაძლებლობის მიცემა, გაეცნოთ საკუთარი პროდუქცია პოტენციური მომხმარებლებისთვის, შეხვედროდნენ სხვადასხვა სექტორის ლიდერ კომპანიებს და მათ წარმომადგენლებს და საფუძველი ჩაეყარათ ერთობლივი თანამშრომლობისთვის.

ღონისძიების პირველ დღეს გაიმართა კონფერენცია, რომელზეც სპეციალურად მოწვეულმა, სხვადასხვა კომპანიის უმაღლესი რგოლის მენეჯერებმა, ასევე პანელური დისკუსიის მონაწილეებმა დამსწრე საზოგადოებას ბიზნესის თემატიკაზე საინტერესო ინფორმაცია და სიახლეები გაუზიარეს. პანელურ დისკუსიაში მონაწილეობა თიბისის მცირე და საშუალო ბიზნესებისთვის ღირებულების შექმნისა და ხარისხის მართვის ასოცირებულმა პარტნიორმა, ია კალმახელიძემაც მიიღო.

სპეციალურად ბიზნეს გამოფენისთვის, ადგილზე მოეწყო სივრცე B2B შეხვედრებისთვის, კომპანიებმა მოწვეული სტუმრებისთვის გაათამაშეს პრიზებიც.

ბიზნეს გამოფენა თბილისში უკვე მეოთხედ გაიმართა და მასში არაერთმა მსხვილმა თუ საშუალო ბიზნესმა, მათმა დამფუძნებლებმა და დირექტორებმა მიიღეს მონაწილეობა.