ორლანდოში გეი კლუბ პულსზე თავდამსხმელმა, რომელმაც 49 ადამიანი მოკლა, სროლის შემდეგ პოლიციას დაურეკა.

ომარ მატინმა პოლიციას თავის თავი ისლამის მებრძოლად წარუდგინა. BBC სატელეფონო ზარის ამონაწერს აქვეყნებს, რომელიც FBI-მ 20 ივნისს გახადა საჯარო.

29 წლის თავდამსხმელმა 911-ის ოპერატორთან სატელეფონო ზარში სირიის ომი და საფრანგეთში მომხდარი თავდასხმა გაიხსენა.

პირველი ზარი პოლიციასა და მატინს შორის 50 წამს გაგრძელდა.

პოლიცია: 911 გისმენთ, თქვენთან საუბარი იწერება.
მატინი: მოწყალე და ქველმოქმედი ღმერთის სახელით (არაბულად)
პოლიცია: რა?
მატინი: დიდება ღმერთს და ჩვენი ლოცვა მას, ისევე როგორც მშვიდობა ჩვენს წინასწარმეტყველ ღმერთს (არაბულად). მინდა გითხრათ, რომ ორლანდოში ვარ, სადაც სროლები განვახორციელე (ინგლისურად)
პოლიცია: თქვენი სახელი?
მატინი: მე ვპირდები ერთგულებას [...]
პოლიცია: რა გქვიათ?
მატინი: მე ვპირდები ერთგულებას [გამოტოვებულია], ღმერთი დაიცავს მას [არაბულად] სახელით.
პოლიცია: სად ხართ?
მატინი: ორლანდოში.
პოლიცია: ორლანდოში სად?
(ზარის დასასრული).

პირველი ზარის შემდეგ, მატინი ორლანდოს პოლიციის კრიზისული მოლაპარაკებების გუნდს 3-ჯერ ესაუბრა. აღნიშნული ზარი მან თავდასხმიდან 30 წუთში განახორციელა.

FBI-ს წარმომადგენლის თქმით, მატინი "ცივი, მშვიდი და წინასწარ დაგეგმილი" ტონით საუბრობდა. მან ასევე განაცხადა, რომ უცხოური ტერორისტული დაჯგუფების კავშირის მტკიცებულება ამ თავდასხმასთან, არ აღმოუჩენიათ და მატინს რადიკალური მისწრაფებები შინაგანად ჰქონდა.

პირველ ზარში, გამოტოვებულ ადგილას, ამოღებულია სახელები და გვარები, რომელთა მიმართაც მატინი ერთგულების პირობას დებს. ჩანაწერების გამოქვეყნებამდე რამდენიმე დღით ადრე, FBI-იმ განაცხადა, რომ ზარების დროს მატინი ე.წ. ისლამური სახელმწიფოს ლიდერს უმტკიცებდა ერთგულებას.

ზარის დროს, მატინმა ასევე განაცხადა, რომ ის მოუწოდებდა ამერიკას, შეეწყვიტა სირიისა და ერაყის დაბომბვა, და მისი "იქ (კლუბში) ყოფნის მიზეზი" სწორედ ეს იყო.

მან ასევე ახსენა საფრანგეთის თავდასხმა და თქვა, რომ აპირებდა ასაფეთქებელი ჟილეტის გამოყენებას, თუმცა პოლიციამ შენობაში შესვლის შემდეგ აღმოაჩინა, რომ მსგავსი ჟილეტი მას არ ჰქონდა.

ზარების დროს, მატინი თავის თავს ისლამისთვის მებრძოლს უწოდებს. ამერიკის ისტორიაში ყველაზე სისხლიანი შეიარაღებული თავდასხმის ავტორი პოლიციამ შენობაში შესვლის დროს მოკლა.

ცნობილია, რომ: