ამერიკული ტელეარხის, CNN-ის ცნობით, ომარ მატინი, რომელიც 12 ივნისს, ორლანდოში, გეი კლუბ Pulse-ს თავს დაესხა და 49 ადამიანი მოკლა, ამავე კლუბის ხშირი სტუმარი იყო.

კლუბის თანამშრომელი, კრის კალენი, CNN-ის წამყვან ანდერსონ კუპერთან საუბარში აცხადებს, რომ აღნიშნული პიროვნება ბოლო სამი წლის მანძილზე თვეში ორჯერ მაინც სტუმრობდა Pulse-ს.

"ის მეგობრული და სასიამოვნო ადამიანის შთაბეჭდილებას ტოვებდა", განაცხადა კალენმა.

ამავე კლუბის ხშირი სტუმარი, კევინ ვესტი, ლოს ანჯელეს ტაიმთან საუბარში იხსენებს, რომ მატინმა, რამდენიმე წლის წინ გაცნობის აპლიკაციის საშუალებით მისწერა და მასთან შეხვედრის სურვილი გამოთქვა.

მატინი დაქორწინებული იყო. როგორც მისი ყოფილი მეუღლე ამბობს, ომარი ხშირად ძალადობდა მასზე ფიზიკურად.