ამერიკის შეერთებული შტატების მიერ დაფინანსებული რადიო თავისუფლება ევროპა/რადიო თავისუფლება (RFE/RL) უნგრეთში მაუწყებლობას წყვეტს, რითაც დასრულდება მედიასერვისის ხუთწლიანი ფუნქციონირება. ამის შესახებ ინფრომაციას Reuters ავრცელებს.

რადიო თავისუფლება, რომელიც თავდაპირველად 1950 წელს ცივი ომის დროს დაარსდა, დღემდე მილიონობით მაყურებელი ჰყავს აღმოსავლეთ ევროპაში, მათ შორის რუსეთსა და უკრაინაში, ასევე ცენტრალურ აზიასა და ახლო აღმოსავლეთში.

კარი ლეიკმა, ტრამპის ადმინისტრატორმა აშშ-ის გლობალური მედიის სააგენტოში, რომელიც RFE/RL-ს აკონტროლებს, ამ თვეში განაცხადა, რომ გადასახადის გადამხდელების მიერ დაფინანსებული პროგრამები უნგრეთის "დესტაბილიზაციისთვის" არ უნდა იქნას გამოყენებული. 5 ნოემბერს კონგრესისადმი გაგზავნილ წერილში, რომელიც ლეიკმა სოციალურ ქსელ X-ზე გააზიარა, მან განაცხადა, რომ რადიო "თავისუფლების დაფინანსება" შეწყდებოდა და რომ მისმა "პროგრამირებამ პრეზიდენტ ტრამპის საგარეო პოლიტიკას უნგრეთის არჩეულ პრემიერმინისტრთან დაპირისპირებით ძირი გამოუთხარა".