გერმანიის ელჩი საქართველოში, პრეტერ ფიშერი, თბილისში დაბრუნდა. ამის შესახებ მან X-ზე დაწერა.

პეტერ ფიშერმა ქართველ ხალხს სოლიდარობისთვის მადლობა გადაუხადა.

"მიხარია, რომ კვლავ თბილისში ვარ.

დიდი მადლობა და სიყვარული ბევრ ქართველ კეთილ ადამიანსა და მეგობარს სითბოსა და სოლიდარობისთვის, რომლებიც გულითადად შემხვდნენ", — დაწერა ელჩმა.

გერმანიამ ელჩი პეტერ ფიშერი საქართველოდან კონსულტაციებისთვის 19 ოქტომბერს გაიწვია. მათი განმარტებით, მათი ამ გადაწყვეტილების მიზეზი საქართველოს ხელისუფლების მიერ ევროკავშირის, გერმანიის და პირადად ელჩის წინააღმდეგ გაკეთებული განცხადებებია.