საქართველოს ბანკი, როგორც მსოფლიოში საუკეთესო ციფრული ბანკი, სამომხმარებლო გამოცდილების გაუმჯობესებას განაგრძობს. ამ მიზნით, მობილბანკს კიდევ ერთი ფუნქციონალი დაემატა: ახლა უკვე თბილისის მოლის ციფრული სასაჩუქრე ბარათების შეძენა პირდაპირ მობილბანკიდანაა შესაძლებელი.

ციფრული ბარათის გაგზავნა სასურველ ადრესატთან მარტივად, მომენტალურად, მხოლოდ მობილურის ნომრის მითითებით შეიძლება. მომხმარებლებს ასევე შეუძლიათ ბარათის დიზაინის შერჩევა და მისალოცი ტექსტის დამატება, რის გამოც საჩუქარი კიდევ უფრო პერსონალიზებული ხდება.

თბილისი მოლის ციფრული ვაუჩერის მთავარი უპირატესობა თავისუფალი არჩევანია — ბარათის მფლობელს შეუძლია იშოპინგოს არა კონკრეტულ მაღაზიაში, არამედ მთლიანად სავაჭრო ცენტრში მდებარე ნებისმიერ ობიექტში და ისარგებლოს მრავალფეროვანი ბრენდების შეთავაზებით.

“მოხარულები ვართ, რომ მობილბანკში ციფრული სასაჩუქრე ბარათების მოდული კიდევ უფრო ფართოვდება. მომხმარებლებისთვის კომფორტული, სწრაფი და მრავალფეროვანი მომსახურების შეთავაზება ჩვენი ერთ-ერთი მთავარი პრიორიტეტია. თბილისის მოლის ციფრული სასაჩუქრე ბარათის დამატებით, ჩვენ მომხმარებლებს ვაძლევთ შესაძლებლობას, საყვარელ ადამიანებს უფრო ფართო ასორტიმენტით ისარგებლონ ”, — აღნიშნავენ საქართველოს ბანკში.

ინფორმაციისთვის, შეძენილი ბარათის დამატება შესაძლებელია ციფრულ საფულეში (Wallet), ხოლო ადრესატი შეიძლება იყოს ნებისმიერი ადამიანი, მიუხედავად იმისა, სარგებლობს თუ არა ის საქართველოს ბანკის მობილბანკით. თბილისი მოლის პარტნიორ მაღაზიებში სასურველი ნივთის საფასურის გადახდა კი Wallet-იდანვე შეიძლება.

გადმოწერე მობილბანკი და გაუგზავნე ციფრული სასაჩუქრე ბარათი საყვარელ ადამიანებს მარტივად.