ბაზისბანკის, საქართველოს ეროვნული ბანკისა და მისი ფინანსური განათლების ეროვნული პლატფორმა ფინედუს მიერ გამოცხადებული მასწავლებელთა კონკურსით — ფინანსური განათლების ეროვნული ჯილდო — დაინტერესებული მასწავლებლებისთვის ონლაინ ფორმატში გაიმართება საინფორმაციო შეხვედრა.

კონკურსი 9 სექტემბერს გამოცხადდა და მისი მიზანია ზოგადსაგანმანათლებლო დაწესებულებებში ფინანსური განათლების გაძლიერება, ინოვაციური სასწავლო მეთოდების წახალისება და მასწავლებელთა პროფესიული განვითარების მხარდაჭერა.

კონკურსში მონაწილეობის მიღება შეუძლიათ საქართველოს საჯარო და კერძო სკოლების ნებისმიერ მასწავლებლებს, რომლებიც 2025-2026 სასწავლო წლის განმავლობაში მოსწავლეთა ფინანსური წიგნიერების ამაღლებას შეუწყობენ ხელს, გამოიყენებენ ინოვაციურ მეთოდებს და განახორციელებენ პროექტებსა და აქტივობებს აღნიშნული მიმართულებით.

საინფორმაციო შეხვედრაზე საქართველოს ეროვნული ბანკის წარმომადგენელი მასწავლებლებს გააცნობს კონკურსში მონაწილეობის პირობებსა და შეფასების კრიტერიუმებს. შეხვედრის მსვლელობისას მასწავლებლებს შეეძლებათ, დასვან კითხვები და მიიღონ პასუხები.

საინფორმაციო შეხვედრა ჩატარდება ონლაინ, 7 ნოემბერს, 17:00 საათზე, Zoom-ის პლატფორმის საშუალებით.

Zoom შეხვედრაზე დასასწრები ბმული

შეხვედრა პარალელურ რეჟიმში გავა ფინედუს ფეისბუქ გვერდის პირდაპირი ეთერით