"ამ რეჟიმმა უკვე წააგო, უკვე აღარ აქვს არანაირი საფუძველი რომ გააგრძელოს, მისი დღეები დათვლილია. ჩვენ ვალდებულები ვართ, რომ კიდევ ცოტა, კიდევ გავუძლოთ", — ამის შესახებ 26 ოქტომბერს გამართულ აქციაზე საქართველოს მე-5 პრეზიდენტმა სალომე ზურაბიშვილმა აქციაზე სიტყვით გამოსვლისას თქვა.

"ამ რეჟიმმა უკვე წააგო, უკვე აღარ აქვს არანაირი საფუძველი რომ გააგრძელოს, მისი დღეები დათვლილია. ჩვენ ვალდებულები ვართ, რომ კიდევ ცოტა, კიდევ გავუძლოთ. მინდა ვუთხრა პოლიტიკური პატიმრების მშობლებს: მე მესმის, როდესაც ვამბობ — "კიდევ ცოტა გავუძლოთ" ეს არ არის მარტივი სიტყვები. ამას როდესაც ვამბობ, მარტივი სიტყვები არაა იმ აქტივისტებისთვის, რომლებიც ყოველ დღე აქ დგანან და ყოველ დღე იღებენ საკუთარ თავზე ამ მოძრაობის უწყვეტობას. მაგრამ მე ვიცი, რომ არაფერი არასდროს არის ადვილი, როდესაც საუბარია, რომ ეს ქვეყანა გადავარჩინოთ, ეს ქვეყანა არ დავუთმოთ რუსეთს და რუსებს, თუნდაც ქართულ ტანსაცმელში გადაცმულს", — თქვა სალომე ზურაბიშვილმა.

მისი თქმით, 26 ოქტომბრის საპარლამენტო არჩევნებიდან ერთი წელი გავიდა და ქართული ოცნების მთავრობამ ვერ შეძლო ლეგიტიმურობის მოპოვება.

"2024 წლის 26 ოქტომბრიდან გავიდა ერთი წელი. ერთი წელი, რაც ეს ხელისუფლება არის არალეგიტიმური და ვერაფრით ვერ მოიპოვა ლეგიტიმურობა. ვერც თავისი მცდელობებით, რომ ვიღაცებს ხელი ჩამოართვან, სადაც შეძლეს, ვერც იმით, რომ ვიღაცები შეიყვანეს პარლამენტში ან აპირებენ, რომ შეიყვანონ. ვერაფერი ვეღარ უშველის ამ რეჟიმს, რომელმაც დაამკვიდრა თავისი არალეგიტიმურობა, როცა ჩაატარა რუსული არჩევნების სცენარი. ეს ერთი წელი გავიდა ერთი რუსული სცენარიდან მეორე რუსულ სცენარამდე. 4 ოქტომბერს სცადა რეჟიმმა, რომ შეეტყუებინა ხალხი იმ რაღაც აბსურდულ სცენარში, რომელიც მხოლოდ რუსულ სპეცსამსახურების ტვინში შეიძლება მოხარშულიყო, მაგრამ ქართველი ხალხი ბრძენია. ეს ტყუილად არ აირს ნათქვამი. ქართველმა ხალხმა იცის როგორ უნდა მიიყვანოს ეს ერთწლიანი ბრძოლა ბოლომდე.

რა გამოჩნდა ამ ერთი წლის განმავლობაში? გამოჩნდა, რომ საზოგადოების, ქართველი ხალხის მხარეს არის. პირველ რიგში სოლიდარობა, არნახული სოლიდარობა. საკმარისია ნახოთ, რა სისწრაფით გროვდება დახმარება ჯარიმებისთვის, რათა არავინ დარჩეს დაუცველი ამ უსამართლობის წინაშე. საკმარისია ნახოთ ყოველივე სასამართლოზე ადამიანები არიან, რომლებიც იქ დგანან, მიდიან, არავის ტოვებენ მარტო. სამაგიეროდ, ამ რეჟიმის წარმომადგენლები როდესაც არიან ციხის წინ და სასამართლოზე, ძალიან მარტო არიან, არავინ მათ გვერდით არ დგება, არავინ უცხადებს სოლიდარობას, თუნდაც ფეისბუქ-პოსტებით. მარტონი არიან. საზოგადოების მხარეს არის სოლიდარობა, არის თანაგრძნობა, რომელიც რეჟიმმა გამოაცხადა, როგორ არალეგალური, ნულოვანი თანაგრძნობაო თქვეს, მაგრამ ხალხში არის ეს თანაგრძნობა,..

ჟურნალისტები, რომლებიც ბოლომდე იბრძვიან ძალიან დიდი საფრთხეები წინაშე, დღეს ციხეში არიან. დაწყებული მზია ამაღლობელით, მაგრამ მზია ამაღლობელის სახელი, ყველა ჩვენი ჩვენი ჟურნალისტების სახელით საზღვრებს იქით გავიდა და დაჯილდოვდა, როგორც სიმბოლო საქართველოსი და ქართველი ხალხის ბრძოლის. არა მხოლოდ ჟურნალისტები, არიან ადვოკატები და იურისტები, რომლებიც ერთი წლის განმავლობაში სრულიად უანგაროდ ემსახურებიან იმ ადამიანებს, რომლებიც უსამართლობის მსხვერპლი არიან. ეს არის ძალა ამ საზოგადოების. ეს არის ძალა საქართველოსი. პატრიოტიზმი ამ ხალხის მხარეს არის, რომელიც აქ დგას, ამ დროშების უკან. რეჟიმი არის რუსეთის მხარე, რომელსაც შემოჰყავს რუსული სანქცირებული გემი, შემოაქვს რუსული ნავთობი გადასამუშავებლად და ყველა მისი პროპაგანდისტული ნათქვამი არის პირდაპირი კოპირება იმის, თუ რასაც უბრძანებენ მოსკოვიდან. ეს არ არის საქართველოს მომავალი და არასდროს იქნება", — თქვა ზურაბიშვილმა.