2026 წლის ბიუჯეტის მიხედვით, სახალხო დამცველის ხელფასი 14 400 ლარამდე გაიზრდება. სახალხო დამცველის შესახებ კანონის 25-ე მუხლის მე-4 ნაწილში ვკითხულობთ, რომ სახალხო დამცველის და პარლამენტის თავმჯდომარის მოადგილის ხელფასები ერთმანეთს უტოლდება.

"საქართველოს სახალხო დამცველს ეძლევა თანამდებობრივი სარგო საქართველოს პარლამენტის თავმჯდომარის მოადგილის თანამდებობრივი სარგოს ოდენობით," — ვკითხულობთ კანონმდებლობაში.

ოცნების პარლამენტის ვებგვერდზე 2026 წლის ბიუჯეტის პროექტი გამოქვეყნდა, რომლის მიხედვითაც პარლამენტის თავმჯდომარის მოადგილის ხელფასი 1 260 ლარით იზრდება და 14 400 ლარი ხდება.

საქართველოს კანონის მიხედვით "საჯარო დაწესებულებაში შრომის ანაზღაურების შესახებ" სახელმწიფო-პოლიტიკური თანამდებობის პირის (გარდა საქართველოს პარლამენტის წევრისა) თანამდებობრივი სარგო კოეფიციენტების სისტემით გამოითვლება: თანამდებობრივი სარგოს კოეფიციენტი მრავლდება საბაზო თანამდებობრივ სარგოზე.

2025 წლის ბიუჯეტში საბაზისო ხელფასი 1 460 ლარი იყო, ხოლო 2026 წლის საბიუჯეტო გეგმით 1 600 ლარი ხდება.

დეტალურად იხილეთ: