პროფესორ-მასწავლებლებისა და მკვლევრების გაერთიანებამ "ქართული განათლება საფრთხეშიამ" "ოცნების" ხელისუფლების მიერ დაანონსებულ განათლების რეფორმასთან დაკავშირებით ბრიფინგი ჩაატარა. პროფესორ-მასწავლებლები გმობების "ოცნების" განათლების მოსალოდნელ რეფორმებს და მათი განცხადებით ის "წინააღმდეგობაშია საქართველოს მოქმედ კონსტიტუციასთან".

"სტუდენტები ვეხმიანებით “უმაღლესი განათლების სისტემის რეფორმის ეროვნულ ჩვენ, საქართველოს უნივერსიტეტების პროფესორ-მასწავლებლები, მკვლევრები, კონცეფციას" და მივიჩნევთ, რომ უნივერსიტეტებთან დაკავშირებული გადაწყვეტილებები არც ერთ ეტაპზე არ უნდა იქნას მიღებული უნივერსიტეტების გარეშე.

საუნივერსიტეტო რეფორმა არ არის პოლიტიკის რიგითი საკითხი. საქართველოს დამოუკიდებლობის გამოცხადების დღიდან ჩვენ გამოვიარეთ არაერთი ნაჩქარევი და ცუდად დაგეგმილი რეფორმა. ამიტომ, აღარ გვაქვს ისეთი შეცდომების დაშვების უფლება, რომლებსაც შეუქცევადი შედეგები მოჰყვება ჩვენი მომავალი თაობებისთვის.

წარმოდგენილი კონცეფცია წინააღმდეგობაშია საქართველოს მოქმედ კონსტიტუციასთან, რადგან არღვევს აკადემიური თავისუფლებისა და უნივერსიტეტების ავტონომიურობის პრინციპებს (მუხლი 27/3), ეწინააღმდეგება საქართველოში უმაღლესი განათლების კანონით გაცხადებულ მიზნებს (მუხლი 3), ზღუდავს განათლების ხელმისაწვდომობასა და თანასწორობას, არ არის თავსებადი უნივერსიტეტების დიდ ქარტიასთან და ბოლონიის პროცესთან — საფრთხეს უქმნის ქართული აკადემიურ სივრცის საერთაშორისო სივრცეში ინტეგრაციასა და მონაწილეობას.

წარმოდგენილი კონცეფცია, აგრეთვე, ვერ აკმაყოფილებს საჯარო პოლიტიკის ფორმირების მინიმალურ მოთხოვნებს:

საზოგადოებისთვის არ არის ცნობილი მტკიცებულებები, კვლევები და ანალიზი, რომლებსაც ეს კონცეფცია ეყრდნობა.

არ არის გაანალიზებული შესაძლო შედეგები, პოტენციური საფრთხეები, დაფინანსების წყაროები.

კონცეფცია შემუშავებულია გაუმჭვირვალედ. არ არის ცნობილი პროცესში საუნივერსიტეტოს საზოგადოების წარმადგენლების — პროფესორებისა და სტუდენტების, განათლების ექსპერტების მონაწილეობის დეტალები.

კონცეფციაში უალტერნატივოდ არის წარმოდგენილი გამოწვევების გადაწყვეტის გზები.

პოლიტიკური კრიზისისა და საზოგადოების პოლარიზაციის პირობებში, დახურულ კარს მიღმა შექმნილი დოკუმენტი ზღუდავს ქმედითი და კონსტრუქციული დისკუსიის შესაძლებლობებს. იგი არ ემსახურება უნივერსიტეტის განვითარებას და აკადემიური სივრცის შეზღუდვის, იზოლაციისა და დასუსტების პოლიტიკური ინსტრუმენტია.

მოვუწოდებთ აკადემიურ საზოგადოებას, ამ კრიტიკულ მომენტში ერთობლივად ავიღოთ პასუხისმგებლობა ჩვენი ქვეყნის მომავალზე — გავხადოთ დისკუსია ღია და საჯარო მთელი საუნივერსიტეტო სივრცისთვის.

უნივერსიტეტი არ არის პოლიტიკური კონტროლის ობიექტი. უნივერსიტეტების გარეშე უნივერსიტეტებზე გადაწყვეტილება არ მიიღება," — გაერთიანების განცხადება ილიაუნის ასოცირებულმა პროფესორმა, მანანა რატიანმა წაიკითხა.

ირაკლი კობახიძემ უმაღლესი განათლების სისტემის რეფორმის ეროვნული კონცეფცია გუშინ, 16 ოქტომბერს წარადგინა. მან განათლების სისტემაში 7 გამოწვევაზე გამოყო, "რომელთა საფუძველზე რეფორმის ძირითადი ამოცანები განისაზღვრა და აღნიშნა, რომ დოკუმენტი საბოლოო სახეს საჯარო განხილვების შემდეგ მიიღებს".

განათლების რეფორმის პრეზენტაციაში ირაკლი კობახიძემ განაცხადა, რომ "უნდა გადავიდეთ 3+1 სისტემაზე, სადაც 3 წელი დაეთმობა ბაკალავრიატს და 1 წელი დაეთმობა მაგისტრატურას", 12-წლიანი სასკოლო ციკლი ისევ 11-წლიანით უნდა შეიცვალოს და სურთ დაამკვიდრონ "მკაფიო პრინციპი: ერთი ქალაქი — ერთი ფაკულტეტი".