უმაღლესი განათლების რეფორმის სამთავრობო კომისია 15 წევრისგან შედგება და მას ოცნების პრემიერი ირაკლი კობახიძე ხელმძღვანელობს, მისი მოადგილე ოცნების ხელისუფლების განათლების და მეცნიერების მინისტრი გივი მიქანაძეა. კომისიის შემადგენლობაშია თბილისის მერი და 8 მინისტრი.

ოცნების ხელისუფლების მთავრობის 2025 წლის 20 იანვრის განკარგულებით, უმაღლესი განათლების რეფორმის სამთავრობო კომისიის შემადგენლობაში არიან:

ირაკლი კობახიძე — კომისიის თავმჯდომარე;

გივი მიქანაძე, ოცნების ხელისუფლების განათლების და მეცნიერების მინისტრი — კომისიის თავმჯდომარის მოადგილე;

ლევან იზორია, ოცნების ხელისუფლების პრემიერის მრჩეველი განათლების და მეცნიერების საკითხებში;

მარიამ ქვრივიშვილი, ოცნების ხელისუფლების ეკონომიკისა და მდგრადი განვითარების მინისტრი;

ლაშა ხუციშვილი, ოცნების ხელისუფლების ფინანსთა მინისტრი;

კახაბერ გულედანი, ოცნების ხელისუფლების რეგიონული განვითარების და ინფრასტრუქტურის მინისტრი;

პაატა სალია, ოცნების ხელისუფლების იუსტიციის მინისტრი;

მიხეილ სარჯველაძე, ოცნების ხელისუფლების ჯანდაცვის მინისტრი;

თინათინ რუხაძე, ოცნების ხელისუფლების კულტურის მინისტრი;

შალვა გოგოლაძე, ოცნების ხელისუფლების სპორტის მინისტრი;

სულხან თამაზაშვილი, აჭარის ავტონომიური რესპუბლიკის მთავრობის თავმჯდომარე;

გიორგი ჯინჭარაძე, აფხაზეთის ავტონომიური რესპუბლიკის მთავრობის თავმჯდომარე;

ლევან ჟორჟოლიანი, ოცნების ხელისუფლების მთავრობის ადმინისტრაციის უფროსი;

კახა კალაძე, თბილისის მერი;

მარიამ ლაშხი, ოცნების პარლამენტის განათლების, მეცნიერების და ახალგაზრდულ საქმეთა კომიტეტის თავმჯდომარე.

ირაკლი კობახიძემ უმაღლესი განათლების სისტემის რეფორმის ეროვნული კონცეფცია გუშინ, 16 ოქტომბერს წარადგინა. მან განათლების სისტემაში 7 გამოწვევაზე გამოყო, "რომელთა საფუძველზე რეფორმის ძირითადი ამოცანები განისაზღვრა და აღნიშნა, რომ დოკუმენტი საბოლოო სახეს საჯარო განხილვების შემდეგ მიიღებს".

განათლების რეფორმის პრეზენტაციაში ირაკლი კობახიძემ განაცხადა, რომ "უნდა გადავიდეთ 3+1 სისტემაზე, სადაც 3 წელი დაეთმობა ბაკალავრიატს და 1 წელი დაეთმობა მაგისტრატურას", 12-წლიანი სასკოლო ციკლი ისევ 11-წლიანით უნდა შეიცვალოს და სურთ დაამკვიდრონ "მკაფიო პრინციპი: ერთი ქალაქი — ერთი ფაკულტეტი".

უმაღლესი განათლების რეფორმის სამთავრობო კომისიის წევრმა, თბილისის მერმა რეფორმასთან დაკავშირებით განაცხადა, რომ "რეფორმა ძალიან მნიშვნელოვანია და ცოტა დაგვიანებული".