თბილისის მერი კახა კალაძე ეხმაურება საკანონმდებლო ცვლილებებს, რომლითაც შეკრება-მანიფესტაციებთან დაკავშირებული წესები და სამართლებრივი პასუხისმგებლობები მკაცრდება.

მისი თქმით, "ქვეყანაში სიტყვის და გამოხატვის თავისუფლება დაცულია".

"ქვეყანაში სიტყვის და გამოხატვის თავისუფლება დაცულია. მე, თქვენ, სხვა ადამიანებს შეუძლიათ თავიანთ შეხედულებები გამოხატონ სხვადასხვა საკითხთან დაკავშირებით, სხვადასხვა ფორმებით. მათ შორის დაცულია შეკრების და გამოხატვის თავისუფლება. შეუძლია ადამიანების ჯგუფს შეიკრიბოს და დააფიქსიროს თავისი პროტესტი. თავის მოსაზრება სხვადასხვა საკითხთან დაკავშირებით. მაგრამ როდესაც რამდენიმე ათეული ადამიანი იკრიბება რუსთაველის გამზირზე, მაშინ როცა ამის აუცილებლობა და საჭიროება არ არის ადამიანების რაოდენობიდან გამომდინარე მიზანმიმართულად უქმნიან დისკომფორტს დედაქალაქის სხვა მაცხოვრებლებს ვისაც არ გააჩნიათ პროტესტი, ეს არის ძალიან მძიმე, ეს არის ძალიან შემაწუხებელი. ჩვენ ხომ არ ვზღუდავთ იმას, რომ ადამიანმა პროტესტი გამოხატოს პროტესტი, არანაირი პრობლემა არ არის, მაგრამ ამით არ უნდა დააზიანო სხვისი უფლებები", — განაცხადა კახა კალაძემ.

გუშინ, 16 ოქტომბერს ოცნების პარლამენტმა დაჩქარებით წესით დაამტკიცა საკანონმდებლო ცვლილებები, რომლის მიხედვითაც შეკრება-მანიფესტაციებთან დაკავშირებული წესები და სამართლებრივი პასუხისმგებლობები მკაცრდება. იმავე საღამოს კანონს ხელი მოაწერა ოცნების დანიშნულმა პრეზიდენტმა, მიხეილ ყაველაშვილმა ხელი მოაწერა კანონს შეკრება-მანიფესტაციებთან დაკავშირებული წესები და სამართლებრივი პასუხისმგებლობების გამკაცრების შესახებ.

ცვლილება "ადმინისტრაციულ სამართალდარღვევათა კოდექსში" და სისხლის სამართლის კანონმდებლობაში განხორციელდა.

· აქციაზე სახის ნიღბით დაფარვა. ცრემლმდენი/ მომწამლავი ნივთიერების ქონა — 15-დღიანი პატიმრობა;

· აქციისთვის გზის გადაკეტვა, რომელიც ტრანსპორტის მოძრაობას ხელს შეუშლის — 15-დღიანი პატიმრობა. აქციის ორგანიზატორს 20-დღიანი ადმინისტრაციული პატიმრობა შეეფარდება;

· აქციაში მონაწილეობა, რომელიც შსს-ს მოთხოვნით შეწყვეტას ექვემდებარება — 60-დღიანი პატიმრობას; ამ ქმედების განმეორებით ჩადენა — 1 წლამდე პატიმრობას, მესამედ ჩადენა — 2 წლამდე პატიმრობას;

· პოლიციელის დაუმორჩილებლობა — 1 წლამდე პატიმრობა, განმეორებით ჩადენა — 2 წლამდე პატიმრობა.