საფრანგეთის პრემიერ-მინისტრი სებასტიან ლეკორნუ ახალი კაბინეტის წარდგენიდან რამდენიმე საათში და დანიშვნიდან ერთ თვეზე ნაკლებ დროში გადადგა, რითაც ვერ შეძლო ქვეყნის პოლიტიკური კრიზისიდან გამოყვანა.

France24 წერს, რომ სებასტიან ლეკორნუმ ისტორიას სამი რეკორდი დაამყარა:

  • ის ყველაზე ხანმოკლე პრემიერმინისტრია, თანამდებობაზე მხოლოდ 27 დღით.
  • ლეკორნუმ ყველაზე დიდხანს გაატარა მთავრობის გარეშე (26 დღე).
  • მისი მთავრობა ყველაზე ხანმოკლეა, რადგან ლეკორნუმ თანამდებობა სამთავრობო გუნდის დანიშვნიდან სულ რამდენიმე საათში დატოვა.

ამას გარდა, ლეკორნუ ერთადერთი პრემიერმინისტრია, რომელსაც პოლიტიკური განცხადება არ გაუკეთებია.

ულტრამემარჯვენე ეროვნულმა გაერთიანებამ პრეზიდენტ ემანუელ მაკრონს ეროვნული ასამბლეის დათხოვნისკენ მოუწოდა.

"სტაბილურობის აღდგენა შეუძლებელია არჩევნებზე დაბრუნებისა და ეროვნული ასამბლეის დაშლის გარეშე", — განაცხადა მან პარტიის შტაბბინაში მისვლისას.

France24 წერს, რომ ამ ფონზე, პარიზის საფონდო ბირჟაზე აქციების ფასი დაეცა. CAC 40 ინდექსი დაახლოებით 08:00 GMT-ზე ორ პროცენტზე მეტით დაეცა.