ციანიდის საქმის გადაწვეტილება დეკანოზ გიორგი მამალაძის ადვოკატებმა სააპელაციო სასამართლოში გაასაჩივრეს. როგორც მამალაძის ერთ-ერთმა ადვოკატმა, გიორგი ფანცულაიამ On.ge-ს უთხრა საჩივარი დაახლოებით ერთი საათის წინ შეიტანეს.

ფანცულაიას თქმით, ისინი თბილისის საქალაქო სასამართლოს გადაწყვეტილებას სრულად ასაჩივრებენ და არცერთ ნაწილში იზიარებენ.

მიმდინარე წლის 5 სექტემბერს დეკანოზი გიორგი მამალაძე სასამართლომ დამნაშავედ სცნო და მას შორენა თეთრუაშვილის განზრახ მკვლელობის მომზადებისა და იარაღის უკანონო შენახვა-ტარებისთვის ცხრაწლიანი პატიმრობა მიუსაჯა.

დეკანოზი გიორგი მამალაძე 2017 წლის 10 თებერვალს თბილისის საერთაშორისო აეროპორტში დააკავეს. დეკანოზის დაკავების შესახებ ინფორმაცია პროკურატურამ 13 თებერვალს გაავრცელა. მას პატრიარქის მდივან-რეფერენტის, შორენა თეთრუაშვილის მკვლელობის მომზადება ედება ბრალად. შორენა თეთრუაშვილი, ილია მეორესთან ერთად, აღნიშნულ პერიოდში ბერლინში იყო, სადაც პატრიარქი მკურნალობდა.

გაიგეთ მეტი ციანიდის საქმეზე.