რუსეთის პრეზიდენტის პრესმდივანმა, დიმიტრი პესკოვმა ტრამპის განცხადებას უპახუხა იმის შესახებ, რუსეთი "ქაღალდის ვეფხვია". პესკოვის თქმით, რუსეთი "ნამდვილი დათვია".

"რუსეთი საერთოდ არ არის ვეფხვი. ბოლოს და ბოლოს, რუსეთი უფრო დათვთან ასოცირდება. "ქაღალდის დათვები" არ არსებობენ, ხოლო რუსეთი ნამდვილი დათვია," — თქვა პუტინის პრესმდივანმა.

უკრაინის პრეზიდენტი ვოლოდიმირ ზელენსკი ამერიკელ კოლეგას, დონალდ ტრამპს 23 სექტემბერს ნიუ-იორკში, გაეროს 80-ე გენერალური ასამბლეის ფარგლებში შეხვდა,
სადაც აშშ-ის პრეზიდენტმა რუსეთის ეკონომიკის რეგრესსა და უკრაინის სამხედრო წინსვლაზე ყურადღება გაამახვილა.

შეხვედრის შემდეგ ტრამპმა Truth Social-ზე დაწერა, რომ რუსეთს სამი წელიწად-ნახევარია უაზროდ იბრძვის ომში, რომელიც ერთ კვირაზე ნაკლებ დროში უნდა მოეგო და რუსეთის ეს მდგომარეობა, როგორც "ქაღალდის ვეფხვი" ასე შეაფასა.

"უკრაინასა და რუსეთს შორის სამხედრო და ეკონომიკური სიტუაციის სრულად გაცნობისა და გააზრების, ასევე იმ ეკონომიკური პრობლემების დანახვის შემდეგ, რასაც ეს [ომი] რუსეთს უქმნის, ვფიქრობ, რომ უკრაინა, ევროკავშირის მხარდაჭერით, შეძლებს ბრძოლას და მთელი უკრაინის პირვანდელი სახით დაბრუნებას. დროთა განმავლობაში, მოთმინებით და ევროპისა და, კერძოდ, NATO-ს ფინანსური მხარდაჭერით, თავდაპირველი საზღვრები, როცა ეს ომი დაიწყო, ნამდვილად კარგი ვარიანტია. რატომაც არა? რუსეთი სამწელიწად-ნახევარია უმიზნოდ იბრძვის, რომლის მოსაგებადაც ნამდვილ სამხედრო ძალას ერთ კვირაზე ნაკლები დრო უნდა დასჭირვებოდა. ეს რუსეთს არ განასხვავებს. სინამდვილეში, ის "ქაღალდის ვეფხვს" ჰგავს", — წერს ტრამპი.