საფრანგეთში, მთავრობის ბოლო მონაცემების თანახმად, 94 ადამიანი დააკავეს, მათ შორის 15— პარიზში. 32 პირი კვლავ პატიმრობაში რჩება. ამის შესახებ ინფორმაციას The Guardian ავრცელებს.

ამ დროისთვის ქვეყანაში სულ მცირე 476 განსხვავებული დემონსტრაცია მიმდინარეობს.

მარსელში გამართულ აქციაში ადგილობრივი პოლიციის მონაცემებით დაახლოებით 15 000 ადამიანი მონაწილეობდა, თუმცა ორგანიზატორების შეფასებით, მონაწილეთა რაოდენობა გაცილებით მეტი იყო, წერს Le Figaro.

ცნობისთვის, პროტესტი ბიუჯეტის შემცირების გეგმებმა გამოიწვია, რომელიც ყოფილი პრემიერმინისტრის, ფრანსუა ბაირუს ინიციატივით შემუშავდა, რასაც შედეგად ნდობის ვოტუმის გამოცხადება და მისი ხელისუფლებიდან ჩამოშორება მოჰყვა. დემონსტრანტები საჯარო სერვისებისთვის მეტ დაფინანსებას და ზოგ შემთხვევაში, მაკრონის გადადგომასაც მოითხოვენ.

ფრანსუა ბაირუმ, თავისივე ინიციატივით, მთავრობისადმი ნდობის საკითხის დაყენების შესახებ 25 აგვისტოს განაცხადა. ამის მიზეზი გახდა ის, რომ ფრანსუა ბაირუ ვერ ახერხებდა პოლიტიკური ოპონენტების დარწმუნებას, მხარი დაეჭირათ მისი 2026 წლის ბიუჯეტის გეგმისთვის. ბაირუსა და მის მთავრობისთვის უნდობლობის გამოცხადების შემდეგ საფრანგეთის პრეზიდენტმა, ემანუელ მაკრონმა ქვეყნის ახალ პრემიერმინისტრად სებასტიან ლეკორნუ დანიშნა