პრორუსული ტელევიზია "სეზონის ტვ-ის" წამყვანი, ნიკოლოზ მჟავანაძე ამავე ტელევიზიის მფლობელის, ბიზნესმენისა და ვეტერანი მოკრივის, გიორგი კანდელაკის დაკავებას ეხმაურება. მჟავანაძე აცხადეს, რომ "ის ფირმები, რომელთა სიაც ჩამოთვალეთ, საკუთარი ოფლით და საკუთარი შრომით აქვს მოპოვებული. პრორუსული ტელევიზიის "სეზონი ტვ" კი ერთადერთია, რომელიც იბრძვის საქართველოს ტერიტორიული მთლიანობისთვის".

"არ შეიძლება ყველას ერთნაირად მიუდგეს გამოძიება და ლაფში ამოსვაროთ ადამიანი. ცხვირმოუხოცავი ხალხი, რომლებიც ნაცმოძრაობის დროს, ბოდიში და, ვიღაცის საცვლებში იყავით გადამალულები, ცხვირი ვერ მოგიხოციათ თქვენ და ეს კაცი მაშინ უპირისპირდებოდა რეჟიმს და სააკაშვილს მისი დაპატიმრებაც ჰქონდა გადაწყვეტილი — გამზადებული იყო, უბრალოდ მოახერხა მან, რომ ეს პროცესი არ მისულიყო იმ ლოგიკურ დასასრულამდე, რომელიც უნდოდა სააკაშვილს. ყოველთვის იყო იმ სწორ სახელმწიფო პოლიტიკაზე... იყო კაცი და კაცად დარჩა და ის თუ რა ხდება ამ საქმესთან დაკავშირებით, გაირკვევა... ის ფირმები, რომელთა სიაც ჩამოთვალეთ, საკუთარი ოფლით და საკუთარი შრომით აქვს მოპოვებული — არც არავინ დაუყაჩაღებია და არც სახელმწიფო თანამდებობები ეკავა, რომ რამე მოეპარა ვინმესთვის... პრორუსული ტელევიზიის მფლობელი, თურმე რა... ერთადერთი ტელევიზიაა, რომელიც იბრძვის საქართველოს ტერიტორიული მთლიანობისთვის. იმიტომ, რომ კარგად გვაქვს გათვითცნობიერებული, რომ სწორედ რუსეთში წყდება ცხინვალისა და სოხუმის ბედი... ერთადერთი ეს ტელევიზია ანათებს შუქურასავით, ყველაზე მაღალი რეიტინგი აქვს ამ ტელევიზიას საქართველოში, შეხედეთ ერთი რამდენი ადამიანი უყურებს ყოველდღიურად უყურებს და მერე შეხედეთ სხვა არხებს, რომლებსაც 50-ჯერ და 100-ჯერ მეტი დაფინანსება აქვთ. მე ვიქნები აქ, სანამ არ გამოგვთიშავენ" — ამბობს პრორუსული ტელევიზია "სეზონის ტვ-ის" წამყვანი, ნიკოლოზ მჟავანაძე. "სეზონის ტვ" 17 სექტემბერს დაკავებული გიორგი კანდელაკისაა.

გიორგი კანდელაკი იმ 7 პირს შორისაა, რომლებიც ალკოჰოლის არალეგალური წარმოების ბრალდებით დააკავეს. მათ პროკურატურამ ბრალი უკვე წარუდგინა.