"ტვ პირველის" ცნობით, 16 სექტემბერ დაკავებული 1 პირი, რომელსაც პროკურატურა 625 მილიონი დოლარისა და 35 მილიონი ევროს გათეთრებას ედავება კომპანია "ფინის" მფლობელი, 49 წლის კახა კოტორაშვილია.

"ტვ პირველთან" საუბრისას კახა კოტორაშვილი ადასტურებს ინფორმაციას, რომ 49 წლის კაცს ხელბორკილები თბილისში, ვაგზლის მოედნის მიმდებარე ტერიტორიაზე სავალუტო ჯიხურთან გუშინ, 16 სექტემბერს დაადეს. ჩხრეკა ჩატარდა ბიზნესმენის სახლშიც, საიდანაც დოკუმენტებია წაღებული.

გუშინ, 16 სექტემბერს, პროკურატურამ გაავრცელა ინფორმაცია იმის შესახებ, რომ 2022-2024 წლებში 624 მილიონი აშშ დოლარის და 35 მილიონი ევროს უკანონო შემოსავლის ლეგალიზაციის ფაქტზე ერთი პირი დააკავეს. უწყება დაკავებულის ვინაობას არ ასახელებს, გავრცელებულ ინფორმაციაში ბრალდებულის არც ინიციალებია.