"ჩვენ ყველაფერი უნდა გავაკეთოთ, რათა ომისთვის მზად ვიყოთ. მხოლოდ ეს მოგვიტანს მშვიდობას", — ამის შესახებ პოლონეთის პრეზიდენტმა, კაროლ ნავროცკიმ Bild-თან ინტერვიუში განაცხადა.

ნავროცკი 10 სექტემბერს, რუსული დრონების მიერ, პოლონეთის საჰაერო სივრცის დარღვევაზე ამბობს, რომ ეს მოსკოვიდან პირდაპირ ორგანიზებული შეტევა იყო.

"რა თქმა უნდა, ჩვენ ეჭვი არ გვეპარება, რომ ეს იყო მოსკოვიდან პირდაპირ ორგანიზებული შეტევა. ეს არის ისეთი ტიპის თავდასხმა, რომელიც აჩვენებს, რისკი გაკეთება შეუძლია ვლადიმირ პუტინს", — თქვა პოლონეთის პრეზიდენტმა.

მაგრამ რა გააკეთებს პოლონეთი და NATO, თუ ვლადიმირ პუტინი ასეულობით დრონით შეიტევს? — როგორც ეს თითქმის ყოველდღე ხდება უკრაინაში.

პრეზიდენტი ვარაუდობს, რომ "ასეთი თავდასხმები NATO-ს ტერიტორიაზე აღარ განმეორდება." და ამბობს, რომ "NATO კიდევ უფრო უკეთ მომზადებული იქნება." მისი თქმით, NATO-ს ქვეყნებმა ყველაფერი უნდა გააკეთონ, რათა ომისთვის მზად იყვნენ.

"ჩვენ ყველაფერი უნდა გავაკეთოთ, რათა ომისთვის მზად ვიყოთ. მხოლოდ ეს მოგვიტანს მშვიდობას," — აღნიშნა ნავროცკიმ.

ცნობისთვის, პოლონეთის არმიის ოპერატიული სარდლობის განცხადებით, 10 სექტემბერს რუსეთის მიერ უკრაინაზე განხორციელებული თავდასხმის შედეგად, რუსეთმა პოლონეთის საჰაერო სივრცე დაარღვია. სარდლობის მიერ გავრცელებულ განცხადებაში აღნიშნულია, რომ რამდენიმე საფრთხის შემცველი დრონი ჩამოაგდეს.