კვირას ღამით ლოს-ანჯელესში, Peacock თეატრში, 77-ე ემი გაიმართა. ტელევიზიისთვის ეს წელი გამორჩეული აღმოჩნდა — ვარსკვლავებით სავსე საღამომ და მაღალმა კონკურენციამ ეს კიდევ ერთხელ დაამტკიცა.

სტივენ გრეჰემი იღებს ჯილდოს საუკეთესო ლიმიტირებული ან ანთოლოგიური სერიალისათვის Adolescence-ისთვის

ფოტო: Kevin Winter/Getty Images

ერთ-ერთი მთავარი გამარჯვებული გახდა Netflix-ის სერიალი მოზარდობა (Adolescence), რომელმაც ექვსი ჯილდო მოიპოვა. შოუს ვარსკვლავი, 15 წლის ოუენ კუპერი კი ისტორიაში შევიდა, როგორც ყველაზე ახალგაზრდა მსახიობი კაცი, რომელმაც ემის ჯილდო მოიგო.

15 წლის ოუენ კუპერი იღებს ჯილდოს საუკეთესო მეორეხარისხოვანი მსახიობისათვის ლიმიტირებულ ან ანთოლოგიურ სერიალში ან ფილმში სერიალ Adolescence-ში შესრულებული როლისთვის 77-ე პრაიმთაიმ ემის დაჯილდოების ცერემონიალზე

ფოტო: Kevin Winter/Getty Images

Apple TV+-ის სერიალმა The Studio ოთხი ჯილდო მოიპოვა, მათ შორის საუკეთესო კომედიური სერიალის სტატუსიც. ამასთან, შოუ გახდა ემის ისტორიაში ყველაზე დაჯილდოებული კომედია, მას შემდეგ რაც გასულ კვირას გამართულ Creative Arts Emmy-ზე ცხრა ჯილდო მოიპოვა.

სეთ როგენი იღებს ჯილდოს საუკეთესო კომედიური სერიალისათვის The Studio-ს სახელით

ფოტო: Valerie Macon/AFP via Getty Images

HBO Max-ის სერიალმა The Pitt სამი ჯილდო მიიღო, მათ შორის საუკეთესო დრამატული სერიალის კატეგორიაში, სადაც დაამარცხა ისეთი ძლიერი კონკურენტები, როგორიცაა The White Lotus და Severance. Severance-ის მსახიობი ტრამელ ტილმანი ასევე ისტორიაში შევიდა, როგორც პირველი შავკანიანი მსახიობი, რომელმაც მეორეხარისხოვანი როლის საუკეთესო შესრულებისთვის დრამატულ სერიალში ემის ჯილდო მოიპოვა.

საღამოს კომიკოსი ნეით ბარგეცი მასპინძლობდა, რომელმაც შოუს გაჭიანურების თავიდან ასაცილებლად ახალი იდეა შემოგვთავაზა — საქველმოქმედო ფონდში თანხის შეგროვება. მან თქვა, რომ Boys & Girls Club of America-ს 100 000 დოლარს გადასცემდა და თითოეული სიტყვისთვის, რომელიც 45-წამიანი ლიმიტის ქვემოთ ჩაეტეოდა, დამატებით 1 000 დოლარს ჩარიცხავდა, ხოლო გადაჭარბებული თითოეული წამისთვის 1 000 დოლარს დააკლებდა.

ცერემონიის წამყვანი ნეით ბარგეცი სცენიდან მიმართავს აუდიტორიას

ფოტო: Kevin Winter/Getty Images)

საბოლოოდ ეს საკმარისი არ აღმოჩნდა, რომ მსახიობები მოკლე სიტყვით გამოსულიყვნენ, ამიტომ თავად ბარგეციმ განაცხადა, რომ ის პირადად გაიღებდა 250 000 დოლარს, მათ შორის 100 000 დოლარს CBS-ისგან, რათა საქველმოქმედო მიზანი შესრულებულიყო.

ასევე ნახეთ: 15 დაუვიწყარი ლუქი Emmy-ს დაჯილდოებაზე