მოქალაქე გვანცა ბაუჟაძე სოციალურ ქსელში არასრულწლოვანზე ძალადობის ამსახველ ვიდეოს ავრცელებს და წერს, რომ ქალმა "ფსიქოლოგიურად და ფიზიკურად იძალადა" 14 წლის მოზარდზე "მხოლოდ იმის გამო, რომ ბავშვი მაღაზია "ორი ნაბიჯის" მოლარეს გამოესარჩლა".

მომხდარზე გამოძიება სისხლის სამართლის კოდექსის 126-ე მუხლის პირველი ნაწილის პრიმა პუნქტით დაიწყო, რაც არასრულწლოვანის ცემას ან სხვაგვარ ძალადობას გულისხმობს.

"ასეთი გარეწრებით გაივსო ქვეყანა გამოფხიზლდით ხალხო, ეს ცნობილი მკლავჭიდელი ქალი ხატია ვიბლიანია, რომელიც როგორც კადრებში ჩანს, უმოწყალოდ და გამეტებით ურტყამს 14 წლის მოზარდს, მხოლოდ იმის გამო რომ ბავშვი მაღაზია “ორი ნაბიჯის” მოლარეს გამოესარჩლა და ამ ქალბატონს უთხრა რომ თუ გეჩქარებათ მიბრძანდით ქალბატონო, ხომ უკვე გაგიტარათ მოლარემო, ამ სიტყვების გამო, ფსიქოლოგიურად და ფიზიკურად იძალადა ბავშვზე, უმოწყალოდ სცემა, ეს მხოლოდ მცირე ნაწყვეტია კადრების, ცემის ფაქტი 2 წუთი და 30 წამი მიმდინარეობდა (კადრები ძალიან მძიმე საყურებელია ამიტომ სრულად არ ვდებთ) სადაც კარგად ჩანს როგორ გამეტებით ურტყამს ბავშვს, საქმეში ჩართულია პოლიციაც, და 126-ე მუხლით არის აღძრული საქმე, ასეთი არაადამიანების ადგილი ციხეშია, დღეს ეს ბავშვი შერჩა მას, ხვალ შეიძლება , ჩემი და შენი შვილიც იყოს მისი მსხვერპლი.

ქალი, რომელიც საკუთარ მცირეწლოვან შვილსაც არ ინდობს და ამ ყველაფერს ატირებულ ბავშვს აყურებინებს, დედობაც უნდა ჩამოერთვას. ასევე უნდა აღინიშნოს ის მეორე არაადამიანი მამაკაციც, რომელმაც ამ ქალის ფორმებით მოხიბლულმა დადგა და სიცილი დაიწყო და ისედაც შეშინებულ ბავშვს შეურაცხყოფა მიაყენა, მსგავსი გულგრილობაც კანონით უნდა ისჯებოდეს," — წერს მოქალაქე გვანცა ბაუჟაძე სოციალურ ქსელში.