ნეპალის კომუნიკაციების და ინფორმაციული ტექნოლოგიების მინისტრისა და მთავრობის პრესმდივნის, პრითვი სუბბა გურუნგის განცხადებით, მთავრობამ გააუქმა სოციალური მედიის აკრძალვა, რომელიც გასულ კვირას დაწესდა. ამის შესახებ ინფორმაციას Reuters ავრცელებს.

გადაწყვეტილება მას შემდეგ მიიღეს, რაც ორშაბათს ანტიკორუფციულ პროტესტებზე 19 ადამიანი დაიღუპა და 100-ზე მეტი დაშავდა.

"ჩვენ მოვხსენით სოციალური ქსელების ბლოკირება, ისინი ახლა ხელმისაწვდომია," — განუცხადა გურუნგმა Reuters-ს.

აქციის ორგანიზატორების განცხადებით, ეს იყო Generation Z-ის დემონსტრაციები, რომლებიც ასახავს ახალგაზრდების დიდ უკმაყოფილებას მთავრობის კორუფციის წინააღმდეგ მოქმედებასა და ეკონომიკური შესაძლებლობების გასაუმჯობესებლად.

ცნობისთვის, ნეპალის მთავრობამ გასულ კვირას გადაწყვიტა, რომ რამდენიმე სოციალური მედიის პლატფორმაზე წვდომა შეეზღუდა, მათ შორის Facebook-ზეც, რამაც ახალგაზრდების უკმაყოფილება გამოიწვია. ოფიციალური პირების თქმით, ბლოკირება შეეხო იმ პლატფორმებს, რომლებიც ხელისუფლების მოთხოვნებს დამატებითი კონტროლის მექანიზმების შესახებ არ დაემორჩილნენ და მიზნად ისახავდა ყალბ ID ბარათებთან, დეზინფორმაციასთან და სიძულვილის ენასთან ბრძოლას.