რუსეთის პრეზიდენტის პრესმდივნის, დიმიტრი პესკოვის თქმით, რუსეთის ფედერაციის წინააღმდეგ დაწესებულ უპრეცედენტო რაოდენობის სანქციებს ეფექტი არ მოუტანიათ. ამის შესახებ ინფორმაციას რუსული მედია ავრცელებს.

"ზოგადად, ერთი რამ შეიძლება ითქვას — ამ თითქმის ოთხი წლის განმავლობაში, რაც ჩვენს ქვეყანას უპრეცედენტო რაოდენობის სანქციები დაუწესდა, მათ არავითარი შედეგი არ გამოუღიათ," — თქვა პესკოვმა ჟურნალისტ ალექსანდრ იუნაშევთან საუბრისას.

რუსეთის პრეზიდენტმა ვლადიმირ პუტინმა მანამდე განაცხადა, რომ რუსეთის შეკავებისა და დასუსტების პოლიტიკა დასავლეთის გრძელვადიანი სტრატეგიაა, ხოლო სანქციებმა მძიმე დარტყმა მიაყენა მთელ გლობალურ ეკონომიკას. მისი თქმით, დასავლეთის მთავარი მიზანი მილიონობით ადამიანის ცხოვრების გაუარესებაა.