შვედი აქტივისტი გრეტა თუნბერგი მეორედ ეცდება ღაზას სექტორის ბლოკადის გარღვევას ნავებით. 31 აგვისტოს თუნბერგი სხვა აქტივისტებთან ერთად ბარსელონიდან ჰუმანიტარული დახმარებით დატვირთული რამდენიმე ნავი დაიძრა — ამის შესახებ The Guardian გვატყობინებს.

ორგანიზატორების განცხადებით ისინი "ჰუმანიტარული კორიდორის გასახსნელად და პალესტინელი ხალხის გენოციდის დასრულების მიზნით" მიემგზავრებიან. ორგანიზატორებმა არ დააკონკრეტეს, რამდენი გემი გაეშვება და რა დროის განმავლობაში.

"ეს იქნება სოლიდარობის უდიდესი მისია ისტორიაში — უფრო მეტი ადამიანი და უფრო მეტი გემი, ვიდრე ყველა წინა მცდელობას ერთად გაერთიანებდა," — განუცხადა ჟურნალისტებს ბარსელონაში გასულ კვირას ბრაზილიელმა აქტივისტმა ტიაგო ავილამ.

აქტივისტები ასევე გამართავენ დემონსტრაციებსა და სხვა საპროტესტო აქციებს 44 ქვეყანაში "პალესტინის ხალხთან სოლიდარობის ნიშნად," — ამის შესახებ თუნბერგი გვატყობინებს.

ისრაელმა უკვე დაბლოკა აქტივისტების ორი მცდელობა ღაზასთვის საზღვაო გზით დახმარების მიტანისა — ივნისსა და ივლისში.

ივნისში, ისრაელის ძალებმა ღაზიდან 185 კილომეტრში იალქნიანი ნავი Madleen შეაჩერეს, რომელშიც 12 აქტივისტი იმყოფებოდა. მათ შორის იყო თუნბერგიც. მგზავრები დააკავეს და საბოლოოდ ქვეყნიდან გააძევეს. ივლისში, 10 ქვეყნის 21 აქტივისტი შეაჩერეს, როცა ისინი სხვა გემით, Handala-თი ცდილობდნენ ღაზასთან მიახლოებას.