იუსტიციის მინისტრის თეა წულუკიანის განცხადებით, ადამიანის უფლებათა ევროპულმა სასამართლომ საქართველოდან მოსამართლეობის სამივე კანდიდატმა - ლალი გაფრინდაშვილი, ოთარ სიჭინავა, ლადო ჭანტურია - გასაუბრება წარმატებით გაიარა. მინისტრის თქმით, ოქტომრის თვეში უკვე იქნება კენჭისყრა:

"რამდენადაც ჩვენთვის არის ცნობილი სამი კანდიდატისაგან შედგენილი სია მოწონებულია. ამის შემდეგ კონკურსის შემდეგი ეტაპისთვის სია გადაეგზავნათ შესაბამის უწყებებს. ეს ნიშნავს იმას, რომ კონკურსის მეორე ეტაპიც წარმატებით დაიხურა."

მოქმედ ხელისუფლებას სტრასბურგში წარსადგენი მოსამართლეობის კანდიდატების შესარჩევად კონკურსის გამოცხადება სამჯერ მოუწია, რადგან კანდიდატები სტრასბურგმა დაიწუნა. ბოლოს ხელისუფლებამ ლადო ჭანტურია, სოფიო ჯაფარიძე და შოთა გეწაძე შეარჩია, თუმცა სტრასბურგში მათგან მხოლოდ ერთი, ლადო ჭანტურია მოიწონეს. სწორედ დანარჩენი ორი კანდიდატის ჩასანაცვლებლად მოუწია საქართველოს მთავრობასაც ახალი კონკურსის გამოცხადება.

მეორე ცდაზე საქართველომ ლალი ფაფიაშვილი და ოთარ სიჭინავა წარადგინა.