უკრაინის დამოუკიდებლობის დღესთან დაკავშირებით ერთიანი ნაციონალური მოძრაობის თავმჯდომარე თინა ბოკუჩავა და პარტიის ლიდერები უკრაინაში იმყოფებიან.

თინა ბოკუჩავას თქმით, "თავისუფალი სამყაროსთვის უკრაინა გახდა ბრძოლის სიმბოლო და ასევე გახდება გამარჯვების სიმბოლოც".

"ვულოცავთ უკრაინას დამოუკიდებლობის დღეს. ვულოცავთ მებრძოლ, მედეგ ხალხს დამოუკიდებლობის დღეს. უკრაინა მთელი თავისუფალი სამყაროსთვის გახდა ბრძოლის სიმბოლო, მაგრამ აქ ყველაზე მეტად ვრწმუნდებით, რომ უკრაინა ასევე გახდება გამარჯვების სიმბოლო. გაიმარჯვებს უკრაინა, გაიმარჯვებს საქართველო და არ მივცემთ მოღალატე ივანიშვილს შესაძლებლობას, რომ საქართველო წაგებულის ნანგრევებში აღმოჩნდეს. ივანიშვილის მოღალატე რეჟიმი უკრაინაში ვერ ჩამოდის. ჩვენ აქ ვართ “ერთიანი ნაციონალური მოძრაობის”, პრეზიდენტი მიხეილ სააკაშვილის სახელით, რათა ქართველი ხალხის მხარდაჭერა და სოლიდარობა ჩამოვუტანოთ უკრაინელ ხალხს და ხალხის მიერ არჩეულ ხელისუფლებას. უკრაინა აუცილებლად მოიპოვებს გრძელვადიან, ღირსეულ, ნამდვილ მშვიდობას და საქართველოც აუცილებლად გავა სამშვიდობოზე. დიდება უკრაინას, დიდება საქართველოს! ღმერთი ფარავდეს საქართველოს, ღმერთი ფარავდეს უკრაინას!", — განაცხადა თინა ბოკუჩავამ