"ვინ იქნება მერობის შეთანხმებული კანდიდატი, ამას საღამოს, ყველა ერთად, წარდგენისას გავიგებთ", — ამის შესახებ გახარია საქართველოსთვის წევრმა, თამარ კეკენაძემ განაცხადა. მან დაადასტურა, რომ თბილისის მერობის კანდიდატზე შეთანხმება მოხდა.

"შემიძლია, უკვე დავადასტურო, რომ თბილისის მერობის კანდიდატის გარშემო მოხდა შეთანხმება. ეს იყო ძალიან ჩვეულებრივი, აქტიური სამუშაო პროცესი, როგორც ჩვენს ორ პარტიას შორის, ასევე გვქონდა ძალიან აქტიური თანამშრომლობა და კონსულტაციები თბილისელებთან. დღეს მოხდება უკვე ჩვენი საერთო შეთანხმებული კანდიდატის წარდგენა თბილისში, ხოლო შემდეგ პარალელურად უკვე გრძელდება კანდიდატების შეთანხმება 64-ივე მუნიციპალიტეტში, როგორც მერობის, ასევე მაჟორიტარების მიმართულებით და ეტაპობრივად ყველას სათითაოდ გაგაცნობთ. ვინ იქნება მერობის შეთანხმებული კანდიდატი, ამას საღამოს, ყველა ერთად, წარდგენისას გავიგებთ. მე შემიძლია გითხრათ, რომ მთავარი კრიტერიუმი, როგორც თბილისის მერობის, ისე 64-ივე მუნიციპალიტეტი მერობის, იქნება რამდენიმე – პირველ რიგში, ეს ადამიანები იქნებიან მაღალი სანდოობით გამორჩეული პროფესიონალები", – განაცხადა კეკენაძემ.