American Eagle სიდნი სვინის ახალი კამპანიის — "სიდნი სვინის შესანიშნავი ჯინსები აქვს" — გარშემო ატეხილ სკანდალს გამოეხმაურა. კომპანია ახალ განცხადებაში ამბობს, რომ კამპანიის მთავარი მესიჯი მხოლოდ და მხოლოდ თავდაჯერებულობის ამაღლება და მათ ჯინსებში კომფორტულად ყოფნა იყო.

"ჩვენ ვაგრძელებთ იმის აღნიშვნას, როგორ აცვია ყველას ჩვენი ჯინსები თავდაჯერებულად", — განაცხადა კომპანიამ — "შესანიშნავი ჯინსი ყველას უხდება".

მოგეხსენებათ, რამდენიმე დღის წინ American Eagle-ის სარეკლამო კამპანიამ — რომელშიც მსახიობი სიდნი სვინი მონაწილეობს — ინტერნეტ სივრცეში დიდი აჟიოტაჟი გამოიწვია. ინტერნეტ მომხმარებლები ამბობდნენ, რომ კამპანია რასისტულ მესიჯს შეიცავდა.

ფოტო: American Eagle

კამპანიის სლოგანი "შესანიშნავი გენების" სიტყვების თამაშია. ერთ-ერთ ვიდეოში, სვინი საკუთარი პოსტერის წინ დგას, სადაც წერია — "სიდნი სვინის შესანიშნავი გენები აქვს". ფოტოზე სიტყვა "გენები" გადახაზულია და ჩანაცვლებულია — "ჯინსებით".

კრიტიკოსებმა კომპანია — სვინის კამპანიაში გამოსახვა სლოგანით "მაქვს შესანიშნავი ჯინსები" — ტრამპის ამერიკაში თეთრკანიანობის უპირატესობასა და ევგენიკის რეკლამირებაში დაადანაშაულეს.

ფოტო: American Eagle

ამასობაში, მსახიობის წინააღმდეგ მიმართულ კრიტიკას ულტრა მემარჯვენე, თეთრი სახლის კომუნიკაციების მენეჯერი, სტივენ ჩუნგიც გამოეხმაურა. მისი თქმით, "ქენსელ კულტურა" უკონტროლო გახდა.

რაც შეეხება სვინის, მსახიობის წარმომადგენლებმა კომენტარის გაკეთებაზე უარი თქვეს.