როგორც უკვე ცნობილია, HBO-მ გასულ კვირას ჰარი პოტერის სერიალის გადაღებები ოფიციალურად დაიწყო. ჯოან როულინგის მიერ შექმნილი ჯადოსნური სამყარო ჯერ წიგნების სახით გაგვეცნო, შემდეგ — ლეგენდარული ფილმების, მალე კი მას ტელესერიალის ფორმატშიც ვიხილავთ. როულინგი გადაღებებში აქტიურადაა ჩართული — ის სერიალის აღმასრულებელი პროდიუსერია.

მთავარი მსახიობების ვინაობა უკვე გავიგეთ:

გადაღებების დაწყებასთან ერთად ვრცელდება მსახიობების ფოტოები გადასაღები მოედნიდან. გასულ დღეებში სერიალის შემქმნელებმა თავად ჰარი პოტერის ფოტო გაგვიზიარეს, ახლახან კი ინტერნეტში დერსლების ფოტოები გავრცელდა:

ვერნონ დერსლი გადასაღებ მოედანზე

ფოტო: Harry Potter

დადლი დერსლი გადასაღებ მოედანზე

ფოტო: Harry Potter

ვერნონ დერსლის როლს ჰარი პოტერის სერიალში დენიელ რიგბი შეასრულებს, დადლი დერსლის კი ამოს კიტსონი თამაშობს. ცნობილია პეტუნია დერსლის მსახიობიც — ბელ პოული.

სერიალის შემქმნელები და რეჟისორი ძალიან კმაყოფილები არიან მსახიობების შესრულებით. რაც შეეხება თავად სცენარს, მან ჯოან როულინგის მოწონება დაიმსახურა:

"პირველი ორი სერიის სცენარი წავიკითხე, ძალიან კარგია" — როულინგი ჰარი პოტერის სერიალზე

რამდენადაც ცნობილია, სერიალის გადაღებები დაახლოებით ათწლეული გაგრძელდება, მის პირველ სეზონს კი სავარაუდოდ 2026 წლის ბოლოს ვიხილავთ.

თუ სერიალებს თვალს აქტიურად ადევნებ, არ დაგავიწყდეს, შემოიხედო ჩვენს ჯგუფშიც – ერთი სერიაც და…