ორგანიზაცია, რომელმაც ჩემი ცოლის დაქალებში მღვდლების სცენაზე რეაგირება მოითხოვა, მორიგ განცხადებას ავრცელებს. ადამიანის უფლებათა დაცვისა და პატიმართა სოციალური უზრუნველყოფის საერთაშორისო ორგანიზაციის თავმჯდომარე, გიორგი თევზაძე ყველა იმ პირს უხდის მადლობას, რომელიც გავრცელებულ განცხადებას გამოეხმაურა.

"მადლობას ვუხდი თითოეულ მოქალაქეს, ვინც ასე აქტიურად გამოეხმაურა სოციალურ ქსელში ჩემ მიერ გავრცელებულ განცხადებას ჩემი ცოლის დაქალების სცენასთან დაკავშირებით. მიუხედავად თითოეულის მიერ გამოთქმული ერთმანეთისაგან განსხვავებული პოზიციისა თუ განწყობისა, უდაოდ მნიშვნელოვანი იყო დაგვენახა საზოგადოებრივი აზრი, ხოლო განსჯა ფართო საზოგადოებისათვის მიმინდია", - აცხადებს თევზაძე.

მისი თქმით, მისთვის, როგორც ერთი რიგითი მოქალაქისთვის მნიშვნელოვანია საქართველოს მართლმადიდებელი ეკლესიის საპატრიარქოს პოზიცია ჩემი ცოლის დაქალებში განვითარებულ სცენართან დაკავშირებით.

"არაერთი განცხადება გამივრცელებია არაერთ მნიშვნელოვან პრობლემურ საკითხებზე, რაც ფართო საზოგადოების ინტერესებს ითვალისწინებდა. ასევე მედიით მიმიმართავს ხელისუფლებისათვის სადაც საჯაროდ დამიფიქსირებია ჩემი უარყოფითი პოზიცია არაერთ მნიშვნელოვან საკითხზე, თუმცა საზოგადოების ასეთი დაინტერესება, გამოხმაურება და ინტერესი არცერთ განცხადებას არ მოჰყოლია", - წერს თევზაძე და მიზეზს საზოგადოების გააქტიურებით ხნის.

ადამიანის უფლებათა დაცვისა და პატიმართა სოციალური უზრუნველყოფის საერთაშორისო ორგანიზაციამ დღეს განცხადება გაავრცელა და სერიალ ჩემი ცოლის დაქალების ერთ-ერთ სცენაში სამღვდელოებასთან დაკავშირებით გასული სცენის გამო, პოზიციის დაფიქსირების თხოვნით საპატრიარქოს მიმართა. სერიალის სცენარის ავტორი ქეთი დევდარიანი ამბობს, რომ პრეტენზიის მოსმენის შემდეგ გაეღიმა.