ვენეციის კომისია "რუსულ კანონზე" საიას და არასამთავრობოების მიერ წარდგენილ საჩივარში ევროსასამართლოს მესამე მხარედ ჩართვას სთხოვს. ვენეციის კომისიის გამოქვეყნებული დოკუმენტი 16 ივნისით თარიღდება.

"გადავწყვიტეთ, მოვითხოვოთ მესამე მხარეს ჩართვის ნებართვა ადამიანის უფლებათა ევროპულ სასამართლოში საქმეზე "საია და სხვები საქართველოს წინააღმდეგ", — წერია ვენეციის კომისიის მიერ გამოქვეყნებულ დოკუმენტში.

2024 წლის 17 ოქტომბერს, რუსულ კანონი ადამიანის უფლებათა ევროპულ სასამართლოში 16 მედიაორგანიზაციის, 120 სამოქალაქო საზოგადოების ორგანიზაციის და 4 ფიზიკური პირის სახელით გასაჩივრდა.

"მომჩივნები ადამიანის უფლებათა ევროპული კონვენციით დაცული შეკრებისა და გაერთიანების თავისუფლების (მე-11 მუხლი), გამოხატვის თავისუფლების (მე-10 მუხლი), პირადი და ოჯახური ცხოვრების დაცულობის უფლების (მე-8 მუხლი), დისკრიმინაციის (მე-14 მუხლი), სამართლებრივი დაცვის ქმედითი საშუალებების უფლების (მე-13 მუხლი) და უფლებების შეზღუდვათა გამოყენების ფარგლების (მე-18 მუხლის) დარღვევებზე ვიდავებთ," — ვკითხულობთ საიას 17 ოქტომბრის განაცხადში.