პარტია "ლელო — ძლიერი საქართველოს" წევრმა, სალომე სამადაშვილმა 29-30 ივნისს სომხეთში კაია კალასის ოფიციალურ ვიზიტზე კომენტარი გააკეთა. მისი აზრით, კალასის ჩასვლა სომხეთში ნიშნავს მოვლენების შემდეგნაირად განვითარებას: "როგორც ჩანს, ჩვენ მივდივართ იქითკენ, რომ სომხეთი საქართველოს, როგორც ევროკავშირისთვის მთავარ მოკავშირე ქვეყანას ჩვენს რეგიონში, ჩაანაცვლებს". სამადაშვილი ამაში ბიძინა ივანიშვილს ადანაშაულებს

სალომეს განცხადებით, სომხეთის დემოკრატიული გარღვევის შემდეგ, მათი დამოკიდებულება შეიცვალა, რის შემდეგ ევროკავშირისგან დიდ მხარდაჭერას გრძნობენ.

"ევროკავშირთან ურთიერთობები ყოველთვის ემყარება ღირებულებებს და იმას თუ რამდენად პასუხობს ესა თუ ის სახელმწიფო, დემოკრატიის თვალსაზრისით, ევროკავშირის მოლოდინს. სწორედ ამიტომ არის, რომ სომხეთში დემოკრატიული გარღვევის შემდეგ, ჩვენ ვხედავთ, შეიცვალა როგორც სომხეთის დამოკიდებულება, გეოპოლიტიკურ არჩევანთან დაკავშირებით და მათ გადაწყვიტეს ევროკავშირში გაწევრიანდნენ, ასევე ვხედავთ რამხელა მხარდაჭერა აქვს დღეს სომხეთს ევროკავშირიდან. ამის პარალელურად, როდესაც საქართველოში რუსული ავტოკრატიული სისტემა დამყარდა, ცხადია და როგორც ჩანს, ჩვენ მივდივართ იქითკენ, რომ სომხეთი საქართველოს, როგორც ევროკავშირისთვის მთავარ მოკავშირე ქვეყანას ჩვენს რეგიონში, ჩაანაცვლებს. მაშინ როდესაც საქართველომ დაკარგა ევროკავშირში გაწევრიანების გზა და ჩვენ არ მივდივართ წინ, მაშინ როდესაც დღის წესრიგში დგას უვიზო რეჟიმის შეჩერება საქართველოსთან, ვხედავთ, მათ შორის, ევროკავშირის წარმომადგენლების მაღალი დონის ვიზიტებს სომხეთში, რომელიც მიზნად ისახავს ყველა იმ სიკეთის მინიჭებას სომხეთისთვის, რომელსაც საქართველო ბიძინა ივანიშვილის ხელისუფლების მიერ წარმოებული პოლიტიკის შედეგად, როგორც ჩანს, უახლოეს მომავალში დაკარგავს", — თქვა სალომე სამადაშვილმა.

შეხსენებისთვის, კაია კალასი 29-30 ივნისს სომხეთში ოფიციალური ვიზიტით იმყოფება. გუშინ ის შეხვდა სომხეთის პრეზიდენტ ვაჰაგნ ხაჩატურიანს. დაგეგმილია შეხვედრები სომხეთის საგარეო საქმეთა მინისტრ არარატ მირზოიანსა და პრემიერმინისტრ ნიკოლ ფაშინიანთან.

ასევე იხილეთ: