18 ივნისს ბრიუსელში, ევროპარლამენტში მზია ამაღლობელის საქმისა და ქართული მედიის მდგომარეობის შესახებ გამართულ დებატებზე ავსტრიელმა ევროპარლამენტარმა, ლენა შილინგმა განაცხადა, რომ "მზია [ამაღლობელი] არის იმ მოძრაობის სახე, რომელიც რეპრესიების მიუხედავად, აგრძელებს ბრძოლას დემოკრატიისა და ევროპული მომავლისათვის. ის გამოარჩიეს, რადგან სიმართლის სადარაჯოზე დგას და გაჩუმებას ეწინააღმდეგება".

"მზია ამაღლობელი არის საქართველოს ერთადერთი ჟურნალისტი, რომელიც პოლიტპატიმარია. მისი დაკავება ცხადად პოლიტიკურია და შეთხზულ ბრალდებებზეა დაფუძნებული. მე ვიყავი საქართველოში და იქ მის ერთ-ერთ პროცესს დავესწარი. მისი შემთხვევა პირდაპირი შეტევაა პრესის თავისუფლებაზე.

მზია არის იმ მოძრაობის სახე, რომელიც რეპრესიების მიუხედავად, აგრძელებს ბრძოლას დემოკრატიისა და ევროპული მომავლისათვის. ის გამოარჩიეს, რადგან სიმართლის სადარაჯოზე დგას და გაჩუმებას ეწინააღმდეგება.

დღეს ასობით პოლიტიკოსი, აქტივისტი თუ ხელოვანია დაკავებული დემოკრატიისთვის ბრძოლის გამო. ქართველი ხალხი იბრძვის იმ ღირებულებებისთვის, რისთვისაც ევროპარლამენტი არსებობს – თავისუფლება, ადამიანის უფლებები და კანონის სამართალი. მზია ამაღლობელის მხარდაჭერა ნიშნავს დემოკრატიული, თავისუფალი და ევროპული საქართველოს გვერდით დგომას. საჭიროა აქ გადავდგათ ნაბიჯი მის მხარდასაჭერად", — განაცხადა ლენა შილინგმა დებატებზე (ბათუმელების თარგმანი).