საქართველოში ფულადი გზავნილების საერთო რაოდენობა 11.6%-ით გაიზარდა. ამის შესახებ ინფორმაციას საქართველოს ეროვნული ბანკი ავრცელებს.

2025 წლის მაისში ქვეყანაში შემოსული გზავნილების მოცულობამ 317.42 მლნ აშშ დოლარი (=870.5 მლნ ლარი) შეადგინა, რაც 2024 წლის მაისის მაჩვენებელთან შეფარდებით 33.1 მლნ აშშ დოლარით მეტია.

ტოპ 10 ქვეყანას შორის, საიდანაც საქართველოში ყველაზე დიდი რაოდენობის ფულადი გზავნილების ნაკადი მოედინება ამერიკის შეერთებული შტატები ლიდერობს 59.14 მლნ აშშ დოლარით, მეორე ადგილს იტალია იკავებს (52.83 მლნ აშშ დოლარი), ხოლო მესამეს — რუსეთის ფედერაცია (43.66 მლნ აშშ დოლარი).

გთავაზობთ ზემოხსენებული 10 ქვეყნის ჩამონათვალს:

აშშ — 59.14 მლნ აშშ დოლარი,
იტალია — 52.83 მლნ აშშ დოლარი,
რუსეთის ფედერაცია — 43.66 მლნ აშშ დოლარი,
გერმანია — 27.33 მლნ აშშ დოლარი,
საბერძნეთი — 25.12 მლნ აშშ დოლარი,
ისრაელი — 23.82 მლნ აშშ დოლარი,
თურქეთი — 9.36 მლნ აშშ დოლარი,
ესპანეთი — 8.09 მლნ აშშ დოლარი,
ყირგიზეთი — 8.06 მლნ აშშ დოლარი,
ყაზახეთი — 6.71 მლნ აშშ დოლარი.