25 წელზე მეტხანს მოუწია მაყურებელს ლოდინი იმისთვის, რომ ლინდა ჰემილტონი ტერმინატორის ახალ ფილმში კვლავ ეხილა და აი ისიც, სარა კონორი არნოლდ შვარცნეგერის ტერმინატორთან კიდევ ერთხელ შეეცდება ცუდი ბიჭების განადგურებას.

რაც მთავარია ფილმის რეჟისორი კვლავ ჯეიმს კამერონი იქნება, გადაღებები კი სავარაუდოდ 2018 წელს დაიწყება.

სარა კონორის დაბრუნების შესახებ ფილმის ფანებს თავად რეჟისორმა გააგებინა.

"ვფიქრობ მისი დაბრუნება ახლა ყველაზე მნიშვნელოვანია. კინოსამყაროში გვყავს 50-60 და კიდევ უფრო მეტი წლის მებრძოლები, რომლებიც ცუდ ბიჭებს კლავენ, სამწუხაროდ არ გვყავს ასეთი ქალები, ლინდა კი ამას გამოასწორებს.", - ამბობს ჯეიმს კამერონი.

აღსანიშნავია, რომ ლინდას შემდეგ სარა კონორის როლი GOT-ის ვარსკვლავმა, ემილია კლარკმა შეასრულა.