ერთ დროს ჰოლივუდის ყველაზე ცნობილი და მაყურებელთა ფავორიტი წყვილი, ბრედ პიტი და ანჯელინა ჯოლი, ხმაურიან სასამართლო დავაში არიან ჩაბმულები.

ანჯელინა ჯოლიმ მეუღლისგან განქორწინების მოთხოვნით სასამართლოს 2016 წელს მიმართა. ამის შემდეგ წყვილის დავამ შვილებზე მეურვეობისა და ქონების განაწილების შესახებ ხანგრძლივი და დრამატული სახე მიიღო. საქმის ერთ-ერთი უმძიმესი დეტალია ჯოლის ჩვენება, რომლის მიხედვითაც 2016 წელს, თვითმფრინავში ყოფნისას ბრედ პიტმა მათი შვილებიდან ერთ-ერთის დახრჩობა სცადა, მეორეს კი სახეში გაარტყა.

როგორც ცნობილია, პიტი და ჯოლი ერთობლივად ფლობდნენ შატო მირავალს — ღვინის ქარხანასა და მამულს სამხრეთ საფრანგეთში. განქორწინების შემდეგ ჯოლიმ შატო მირავალის საკუთარი წილი გაყიდა, თუმცა, როგორც პიტი აცხადებს, ჯოლიმ ეს მისი ნებართვის გარეშე გააკეთა. შატო მირაბელის შესახებ მათი სასამართლო დავა უკვე რამდენიმე წელია გრძელდება — ანჯელინა ჯოლის ადვოკატები ყველა ბრალდებას უარყოფენ.

ფოტო: Getty Images

"ანჯელინა მისტერ პიტს კვლავ სთხოვს, რომ დავა შეწყვიტონ და საბოლოოდ დაიწყონ ოჯახის ტრავმების მკურნალობაზე ზრუნვა. იმ შემთხვევაში, თუ მისტერ პიტი უარს განაცხადებს სარჩელის გამოტანაზე, ანჯელინა იძულებული გახდება, წარადგინოს მისი ბრალდებების გამაბათილებელი საბუთები," — განაცხადა ჯოლის ადვოკატთა გუნდმა.

წყვილს 6 საერთო შვილი ჰყავს — 22 წლის მადოქსი, 20 წლის პაქსი, 19 წლის ზაჰარა, 18 წლის შაილო და 16 წლის ტყუპები — ვივიენი და ნოქსი.