"შესანიშნავი შეხვედრა მქონდა პრემიერმინისტრ ორბანთან, სადაც განვიხილეთ საქართველოსა და უნგრეთს შორის მზარდი პარტნიორობა", — ამის შესახებ X-ზე ოცნების ხელისუფლების პრემიერმინისტრი ირაკლი კობახიძე წერს და ვიქტორ ორბანთან გადაღებულ ფოტოს აქვეყნებს.

"შესანიშნავი შეხვედრა მქონდა პრემიერმინისტრ ორბანთან, სადაც განვიხილეთ საქართველოსა და უნგრეთს შორის მზარდი პარტნიორობა. ჩვენ ღრმად ვაფასებთ უნგრეთის მხარდაჭერას საქართველოს ევროპული ინტეგრაციის მიმართ და ჩვენს საერთო ერთგულებას რეგიონული მშვიდობისა და სტაბილურობისადმი", — წერს ირაკლი კობახიძე X-ზე.

შეგახსენებთ, რომ 2024 წლის საპრეზიდენტო არჩევნების შემდეგ კობახიძე ორბანს მე-6-ედ შეხვდა:

2024 წლის 29 ოქტომბერს თბილისში,

2024 წლის 7 ნოემბერს ბუდაპეშტში,

2025 წლის 13 თებერვალს დუბაიში,

2025 წლის 12 აპრილს ანტალიაში,

2025 წლის 16 მაისს ტირანაში,

2025 წლის 28 მაისს ბუდაპეშტში.

ირაკლი კობახიძე უნგრეთში 28 მაისს გაემგზავრა. ის მონაწილეობას მიიღებს კონსერვატიული პოლიტიკური მოქმედების კონფერენციაში (CPAC), რომელიც 29-30 მაისს უნგრეთის დედაქალაქ ბუდაპეშტში გაიმართება. ღონისძიებას უნგრეთის პრემიერმინისტრი ვიქტორ ორბანი გახსნის. CPAC-ის რიგით მეოთხე კონფერენციაზე დაგეგმილია ირაკლი კოაბხიძის სიტყვით გამოსვლა.