თანაინვესტირების ფონდის ყოფილი ხელმძღვანელის, გიორგი ბაჩიაშვილის ადვოკატი ლევან მახარაშვილმა ჟურნალისტებთან საუბრისას ამბობს, რომ ბაჩიაშვილი "გლდანის მე-8 დაწესებულებაში უნდა იმყოფებოდეს, თუმცა ადმინისტრაცია აცხადებს, რომ ჯერ გიორგი შემოსახლებული არ არის".

მისი თქმით, ბაჩიაშვილის დაკავების შესახებ ინფორმაცია მისი ოჯახისგან შეიტყო.

"მე შემატყობინა ოჯახის წევრმა. გამთენიისას გავიგე მე ეს ინფორმაცია, დედამ მითხრა თუ მამამ, არსებითი მნიშვნელობა არ აქვს. ჩემი ინფორმაციით, აქ უნდა იმყოფებოდეს, მერვე დაწესებულებაში, თუმცა ადმინისტრაცია აცხადებს, რომ ამ წუთის მდგომარეობით გიორგი შემოსახლებული არ გახლავთ აღნიშნულ დაწესებულებაში", — ამბობს ლევან მახარაშვილმა

ადვოკატი ამბობს, რომ არ ჰქონდა ინფორმაცია იმის შესახებ, რომ საქართველოში დაბრუნებას აპირებდა.

"არანაირი ინფორმაცია არ მქონია და არც მერეალურება. დანარჩენ დეტალებს როდესაც მასთან მექნება კომუნიკაცია და დაველაპარაკები მერე გავარკვევ", — განაცხადა ადვოკატმა.

დღეს, 27 მაისს სახელმწიფო უსაფრთხოების სამსახურმა გაავრცელა ინფორმაცია და ფოტომასალა თანაინვესტირების ფონდის ყოფილი დირექტორის, გიორგი ბაჩიაშვილის დაკავების შესახებ.

მათი ინფორმაციით, "სახელმწიფო უსაფრთხოების სამსახურში 2025 წლის 26 მაისს განხორციელებული ანონიმური შეტყობინებით ცნობილი გახდა, რომ წითელი ხიდისა და სადახლოს შორის არსებული ე.წ. მწვანე საზღვრის მონაკვეთის მიმდებარედ გადაადგილდებოდა წითელი ცირკულარით ძებნილი და მსჯავრდებული საქართველოსა და რუსეთის ფედერაციის ორმაგი მოქალაქე გიორგი ბაჩიაშვილი.