უკრაინაში მებრძოლი ქართველი მებრძოლი, რატი ბურდული ავრცელებს წერილს, რომლის თანახმადაც, რუსეთის სასამართლოს მიერ გამამტყუნებელი განაჩენის საფუძველზე, საქართველოს შინაგან საქმეთა სამინისტრო უკრაინაში მებრძოლ ქართველებს იარაღების ფლობის ნებართვას უუქმებს.

ფოტო: რატი ბურდული

"გაცნობებთ, რომ საქართველოს კანონის "იარაღის შესახებ" 27-ე მუხლის "დ(5)" ნაწილის თანახმად ლიცენზია (ნებართვა) უქმდება იმ შემთხვევებში თუ: ლიცენზიის (ნებართვის) მფლობელის მიმართ კანონიერ ძალაში შევიდა სასამართლოს გამამტყუნებელი განაჩენი.

ვინაიდან თქვენ მიმართ კანონიერ ძალაში შევიდა რუსეთის ფედერაციის სს კოდექსის 359-3 მუხლით გამამტყუნებელი განაჩენი, ამავე კანონის 28-ე მუხლის შესაბამისად, აღნიშნული შეტყობინების ჩაბარებიდან 30 დღის ვადაში გევალებათ საქართველოს კანონმდებლობით…" —წერია მის მიერ გამოქვეყნებულ წერილში.

რატი ბურდულს რუსეთში ბრალად ედება 2022 წლის მარტსა და 2024 წლის აგვისტოს პერიოდში უკრაინის მხარეს ბრძოლა, მას რუსეთის სასამართლომ დაუსწრებლად 14-წლიანი პატიმრობა მიუსაჯა.

აღნიშნული დოკუმენტი სოციალურ ქსელში გირჩი — მეტი თავისუფლების წარმომადგენელმა თინათინ ბოლქვაძემაც გაავრცელა.

უშუალოდ რატი ბურდულმა მიიღო თუ არა აღნიშნული დოკუმენტი ჩვენთვის უცნობია.

შინაგან საქმეთა სამინისტროს ინფორმაცია ჯერჯერობით არ გაუვრცელებია.