ქართული ოცნების პოლიტიკური საბჭო განცხადებას ავრცელებს, სადაც ნათქვამია, რომ ოცნების ყრილობა 7 მაისს ჩატარდება, სადაც პარტიის ახალ თავმჯდომარეს აირჩევენ.

"ქართული ოცნების გორგასლის ოფისში პოლიტიკური საბჭოს სხდომა გაიმართა. საბჭოს წევრებმა დღის წესრიგით გათვალისწინებული ორი საკითხი განიხილეს. დამტკიცდა, რომ პოლიტიკური გაერთიანება ქართული ოცნების ყრილობა ჩატარდება 7 მაისს, სადაც არჩეული იქნება პარტიის ახალი თავმჯდომარე. სხდომაზე ასევე დამტკიცდა, რომ განახლდება პოლიტიკური საბჭოს შემადგენლობა, რომელიც 7 მაისის ყრილობაზე დამტკიცდება", – ნათქვამია განცხადებაში.

შეგახსენებთ, რომ ქართული ოცნების თავმჯდომარემ, ირაკლი ღარიბაშვილმა პოსტი 25 აპრილს დატოვა. მისი თქმით, საქმიანობას კერძო სექტორში გააგრძელებს და პოლიტიკაში ოპოზიციის რანგში დაბრუნებას არ აპირებს.