ევროკავშირის უმაღლესმა წარმომადგენელმა საგარეო პოლიტიკისა და უსაფრთხოების საკითხებში კაია კალასმა France-Presse (AFP)-თან განაცხადა, რომ "ყირიმი უკრაინაა და ევროკავშირი არასდროს აღიარებს ნახევარკუნძულს რუსეთის ნაწილად".

კაია კალასმა გააკრიტიკა შეერთებული შტატები რუსეთზე ზეწოლის სრული პოტენციალის არ გამოყენების გამო. ევროპული დიპლომატიის ხელმძღვანელმა განაცხადა, რომ შეცდომა იქნებოდა შეერთებული შტატების მხრიდან, სამშვიდობო შეთანხმების ნაწილად ოკუპირებული ყირიმის რუსეთის ტერიტორიად აღიარების შესაძლებლობის განხილვა.

22 აპრილის, უკრაინის პრეზიდენტმა ვოლოდიმირ ზელენსკიმ განაცხადა, რომ უკრაინა არ აღიარებს ყირიმის ოკუპაციას.

"ჩვენ არ შეგვიძლია ყირიმის განხილვა... უკრაინა იურიდიულად არ აღიარებს ყირიმის ოკუპაციას, ეს ჩვენი კონსტიტუციის ფარგლებს სცილდება. ეს ჩვენი ტერიტორიაა, უკრაინის ხალხის ტერიტორია. ეს არ მოხდება", — განაცხადა ზელენსკიმ

Wall Street Journal წერს, რომ უკრაინაში ომის დასასრულებლად შეერთებული შტატები კიევისგან 2 საკითხზე ელოდება პასუხს. პირველი — აღიარებენ თუ არა რუსეთის მიერ ყირიმის ოკუპაციას და იტყვის თუ არა უკრაინის NATO-ში გაწევრიანებაზე. გარდა ამისა, აშშ განიხილავს ზაპოროჟიეს ატომური ელექტროსადგურის გარშემო ნეიტრალური ტერიტორიის იდეას.

ეს წინადადებები, სავარაუდოდ, ლონდონში დაგეგმილ მოლაპარაკებებზე განიხილება.