19 აპრილის დაახლოების 11:30 წუთისთვის თბილისსა და საქართველოს რეგიონების ნაწილში ელექტროენერგია შეწყდა. გაითიშა მეტროს პირველი ხაზი.

NEWS.On.ge "თელასმა" საქართველოს ელექტროსისტემაში გადაამისამართა, მაგრამ უწყებაში ჩვენს ზარებს არ უპასუხეს.

bm.ge საქართველოს ელექტროსისტემაზე დაყრდნობით წერს, რომ დენის გათიშვის მიზეზი კავკასიონის ხაზის გათიშვა გახდა,

უწყების ცნობით, ამ დროისთვის უცნობია ავარიის გამომწვევი მიზეზი, თუმცა როგორც ისინი აცხადებენ, მათი მხრიდან, გამანაწილებელი კომპანიებისთვის ელექტროენერგიის მიწოდება კვლავ ჩვეულ რეჟიმში მიმდინარეობს და ელექტრომომარაგება ქვეყნის მასშტაბით ეტაპობრივად აღდგება

თბილისის სატრანსპორტო კომპანიის ცნობით, ელექტროენერგიის ავარიულად გათიშვის გამო, თბილისის მეტროს პირველი ხაზი დროებით ვერ ემსახურება მგზავრებს.

მათი ცნობით, ელექტროენერგიის მოწოდების აღდგენისთანავე მეტრო გააგრძელებს მუშაობას ჩვეულ რეჟიმში.

ამ დროისთვის, თბილისის ნაწილს ელექტროენერგიის მიწოდება აღუდგა.