თავისუფალი დემოკრატების ერთ-ერთმა ლიდერმა ზურაბ აბაშიძემ, გადაცემა 2030-ში საუბრისას განაცხადა, რომ ხვალ, 16 ივნისს 14:00 საათზე, პარტიის წევრები სააპელაციო სასამართლოსთან აქციას გამართვენ და ე.წ. კაბელების საქმეზე გამოტანილი გადაწყვეტილებას გაპროტესტებენ:

"პროკურატურასთან უკვე ჩავატარეთ და ჩვენ დავაანონსეთ, რომ მომავალშიც გვექნებოდა აქციები. ასე რომ ხვალ, 2 საათზე, ყველას ველოდებით ვისაც გული შესტკივა ამ უდანაშაულო ადამიანების გამო".

ზურაბ აბაშიძის თქმით, ისინი ისევ გააგრძელებენ ბრძოლას ამ საქმისთვის, თუნდაც სასამართლოს გზით:

"მურუსიძის პირობებში ნაკლებად მგონია და წარმოუდგენლად მიმაჩნია, რომ სამართლიანობა შეიძლება აღდგეს და ასევე, საკონსტუტიციო სასამართლო და ყველა მეთოდით ვიბრძოლებთ, იმიტომ რომ ეს ადამიანები დასახსნეელბი არიან ციხიდან და სრულიად ტყუილად, სრულიად უსამართლოდ იმყოფებიან იქ".