Moonlight-ის რეჟისორი ბარი ჯენკინსი ჯეიმს ბოლდუინის წიგნის If Beale Street Could Talk ადაპტაციას გადაიღებს, რომელშიც მთავარ როლს არა ჰოლივუდის რომელიმე ვარსკვლავი, არამედ დამწყები მსახიობი კიკი ლეინი შეასრულებს.

როგორც რეჟისორი ამბობს, ზაფხულის განმავლობაში ჩატარებულ კასტინგზე 300-ზე მეტი გოგო მივიდა, თუმცა ის ხასიათი რომელიც ფილმისთვის იყო საჭიტო ლეინის გარდა ვერც ერთმა ვერ დაიჭირა.

"ვგიჟდები ისე მომწონს მასთან მუშაობა, ერთი სული მაქვს როდის გადავინაცვლებთ გადასაღებ მოედანზე", - ამბობს ბარი ჯენკინსი.

ფილმის სიუჟეტი მოგვითხრობს ტიშის, ახლად დაქორწინებული ქალის ისტორიას, რომელიც თავისი საყვარელი მამაკაცის უდანაშაულობის დამტკიცებას ცდილობს. ფილმი წყვილის სიყვარულს, მათ ცხოვრებასა და სამართლიანობისთვის ბრძოლას ეხება.

"ჯეიმს ბოლდუინის რომანი იყო ზუსტად ის, რაც ახლა ყველაზე მეტად მჭირდებოდა. ამიტომ ვფიქრობ, ტიშისა და ფონის სიყვარული ეკრანზე ძალიან საინტერესოდ გადმოვა", - ამბობს ჯენკინსი.

ფილმი ეკრანზე სავარაუდოდ 2018 წლის ბოლოს გამოვა.