გალტ & თაგარტმა მორიგი აღიარება მოიპოვა. ფინანსურმა გამოცემა Finance Derivative Magazine-მა ყოველწლიური საბანკო დაჯილდოების ფარგლებში, გალტ & თაგარტი საქართველოში 2025 წლის საუკეთესო საინვესტიციო ბანკად და კორპორაციულ საკონსულტაციო კომპანიად დაასახელა.

Finance Derivative Magazine ფინანსებსა და ბიზნესზე ორიენტირებული გლობალური გამოცემაა, რომელიც ნიდერლანდებშია დაფუძნებული. მისი ჯილდო მიზნად ისახავს ამ მიმართულებებში გამორჩეული მიღწევებისკომპანიების აღიარებასა და გაძლიერებას.

"ჩვენი ჯილდო გამოარჩევს იმ კომპანიებსა და მთავარ მოთამაშეებს, რომლებმაც განსაკუთრებული პერფორმანსი აჩვენეს და რომლებიც კიდევ უფრო დიდი სიმაღლეებისკენ მიისწრაფიან. შესაბამისად, ეს ჯილდო პლატფორმაა მათი აღიარებისა და წარმოჩენისთვის. ჩვენ ყურადღებას ვაქცევთ, როგორც მცირე ბაზრებს, ისე დიდ ფირმებს, რომლებიც საერთაშორისო მოდელებს სხვადასხვა რეგიონში ნერგავს", - ნათქვამია გამოცემის ოფიციალურ განცხადებაში.

აღსანიშნავია, რომ გალტ & თაგარტი შეაფასეს კაპიტალის ბაზრის განვითარების, საბროკერო, კვლევითი და საკონსულტაციო მომსახურების ჭრილში.

"მოხარული ვართ, რომ გალტ & თაგარტმა ქვეყანაში საუკეთესო საინვესტიციო ბანკისა და საუკეთესო ფინანსური საკონსულტაციო კომპანიის ჯილდო მიიღო. გალტ & თაგარტი აქტიურად მუშაობს, როგორც ქვეყანაში, ისე რეგიონში კაპიტალის ბაზრის განვითარების კუთხით და მომხმარებლებს სთავაზობს მაღალი დონის, დივერსიფიცირებულ სერვისებს. ჩვენ ვამაყობთ, რომ აღნიშნული აღიარება აფასებს გალტ & თაგარტს, წამყვან საკონსულტაციო კომპანიად შერწყმა-შესყიდვის (M&A) და სხვა ფინანსური კონსულტაციებ კუთხით , რაც კომპანიისთვის სტრატეგიული მიმართულებაა. მადლობას ვუხდით Finance Derivative Magazine-ს აღიარებისთვის ამასთანავე, განსაკურებულ მადლობას ვუხდი გალტ & თაგარტის გუნდის თითოეულ წევრს ამ ჯილდოს მოსაპოვებლად გაწეული ინდივიდუალური ძალისხმევისთვის", — აცხადებს გიორგი კუპრაშვილი, გალტ & თაგარტის გენერალური დირექტორი.