აშშ-ის სენატის 50 წევრისგან შემდგარმა ჯგუფმა წარადგინა კანონპროექტი, რომელიც რუსეთს ახალ სანქციებს დაუწესებს. ამის შესახებ DW წერს.

აშშ 500%-იან გადასახადით ემუქრება ყველა ქვეყანას, რომელიც რუსულ ნავთობსა და ურანს ყიდულობს, თუ რუსეთი უკრაინასთან სამშვიდობო შეთანხმებას დაარღვევს. ამის შესახებ პრესრელიზი სამშაბათს, 1 აპრილს, რესპუბლიკელი სენატორის ლინდსი გრეჰემისა და დემოკრატი სენატორის რიჩარდ ბლუმენტალის ვებგვერდებზე გამოქვეყნდა.

"ამერიკის სენატში აბსოლუტური კონსენსუსია იმაზე, რომ რუსეთი არის აგრესორი და ეს საშინელი ომი და პუტინის აგრესია უნდა შეწყდეს ახლა და შეჩერდეს მომავალში. ჩვენ ვიზიარებთ პრეზიდენტ ტრამპის იმედგაცრუებას რუსეთის მიმართ ცეცხლის შეწყვეტის მიღწევის გამო და მხარს ვუჭერთ მის ერთგულებას გრძელვადიანი, სამართლიანი და ღირსეული მშვიდობისკენ.

ჩვენ ვიმედოვნებთ, რომ 2025 წელს პრეზიდენტი ტრამპი და მისი გუნდი მიაღწევენ იმას, რასაც მსოფლიომ წარსულში ვერ მიაღწია: უკრაინის წინააღმდეგ რუსული აგრესიის საბოლოო დასრულება და თავისუფალი და დემოკრატიული უკრაინის სიცოცხლისუნარიანობა", — აცხადებენ სენატორები.

სენატის ნახევარმა მხარი დაუჭირა სანქციებს. დოკუმენტში ნათქვამია, რომ კანონპროექტის თანაავტორია 100 ამერიკელი სენატორიდან 50 —25 რესპუბლიკელი, 24 დემოკრატი და ერთი დამოუკიდებელი სენატორი. კონგრესის ოთხი წევრი (ორი რესპუბლიკელი და ორი დემოკრატი) უკვე შეთანხმდნენ ამ კანონპროექტის წარმომადგენელთა პალატაში წარდგენაზე.

გრეჰემი და ბლუმენტალი ირწმუნებიან, რომ პარლამენტის ორივე ზედა და ქვედა პალატა მზადაა მხარი დაუჭიროს ახალ სანქციებს: "ეს სანქციები რუსეთის წინააღმდეგ მზად არის და მიიღებს ორპარტიულ და ორპალატიან მხარდაჭერას, თუ ისინი კენჭისყრაზე წარადგენენ სენატსა და წარმომადგენელთა პალატაში".