რამდენჯერ გიოცნებიათ თქვენი საყვარელი მუსიკოსის ლაივ კონცერტზე მოხვედრა? დარწმუნებული ვარ, ძალიან ბევრჯერ, თუმცა ხშირად ამის არც დრო გაქვთ და არც საშუალება.

სწორედ ამიტომ, კინოთეატრი ამირანი 13 სექტემბერს, 20:30 საათზე, Pink Floyd-ის განუმეორებელი გიტარისტის, გენიალური დევიდ გილმორის ლაივის ჩანაწერს შემოგთავაზებთ.

წლის ერთ-ერთი ყველაზე დიდი მუსიკალური მოვლენა - David Gilmour Live at Pompeii, მუსიკოსის ახალი ალბომია, რომელიც გილმორმა პომპეის ამფითეატრში შესრულებული კონცერტის დროს ჩაწერა.

ალბომის გამოსვლა 29 სექტემბერს იგეგმება, თუმცა სპეციალურად თქვენთვის, მხოლოდ ერთი დღით, შეუდარებელი დევიდ გილმორის შეუდარებელი ლაივის ჩანაწერს კინოთეატრ ამირანში შეგიძლიათ უყუროთ.