სახელმწიფო საჯარო სკოლებისთვის 2025 წლის განმავლობაში ვიდეოსათვალთვალო სისტემას ყიდულობს. შესაბამისი ტენდერი აუქციონის გარეშე 26 მარტს გამოცხადდა და შესყიდვის სავარაუდო ღირებულება 4 910 000 ლარია. ამის შესახებ bm.ge წერს.

სატენდერო დოკუმენტების მიხედვით, საუბარია ჯამში 84 საჯარო სკოლაზე, რომლებსაც აღნიშნული სისტემა მიმწოდებელმა მიმდინარე წლის განმავლობაში, მოთხოვნიდან 5 სამუშაო დღის ვადაში უნდა დაუმონტაჟოს.

სახელმწიფო ყიდულობს 1832 გარე კამერას და 2548 შიდა კამერას. ერთი შიდა კამერის ზღვრული ღირებულება უნდა იყოს 650 ლარი, ხოლო გარე კამერის — 680 ლარი.