უკრაინის პრეზიდენტი ვოლოდიმირ ზელენსკი თვლის, რომ კრემლის ლიდერს ვლადიმერ პუტინს ყველაზე მეტად ძალაუფლების დაკარგვის ეშინია, მაგრამ ეს აუცილებლად მოხდება, რადგან "პუტინი მალე მოკვდება და ყველაფერი დასრულდება".

ამის შესახებ უკრაინის პრეზიდენტმა ვოლოდიმირ ზელენსკიმ Eurovision News-სთან ინტერვიუში თქვა.

ჟურნალისტის კითხვაზე, რისი ეშინია ყველაზე მეტად პუტინს, ზელენსკიმ სამი რამ გამოყო. მისი აზრით, რუს დიქტატორს, პირველ რიგში, საკუთარი საზოგადოების ეშინია.

"მისი საზოგადოების დესტაბილიზაცია არის ის, რისიც მას ეშინია. მაგრამ ამაზე გავლენას ვერავინ შეძლებს - ის თავად მოახდენს მასზე გავლენას. მისი ეკონომიკა იქონიებს ამაზე გავლენას და სანქციების პოლიტიკა. ეშინია იმის, რომ ის არ აკონტროლებს და არ იცავს მთელ თავის ტერიტორიას", — აღნიშნა უკრაინის პრეზიდენტმა.

მან დასძინა, რომ პუტინის შიშზე შეიძლება გავლენა იქონიონ უკრაინის დასავლელმა პარტნიორებმა, თუ ისინი ძლიერები იქნებიან და სურთ თავიანთი რეალური ძლიერების დემონსტრირება.

"და თუ ისინი პუტინზე ზეწოლას განახორციელებენ, მას ექნება საზოგადოების დესტაბილიზაცია, მას ამის ეშინია", — დასძინა ზელენსკიმ.

მეორე, რისიც დიქტატორს ეშინია, ზელენსკის თქმით, ძალაუფლების დაკარგვაა.

"ეს ასევე დამოკიდებულია საზოგადოების სტაბილურობაზე, მაგრამ ეს დამოკიდებულია მის ასაკზეც. ის მალე მოკვდება, ეს ფაქტია და ყველაფერი დასრულდება", — განაცხადა უკრაინის პრეზიდენტმა.

და პუტინის მესამე ყველაზე დიდი შიში, ზელენსკის თქმით, მარტო დარჩენაა.

"სრულად ვერ მოხერხდა პუტინის იზოლაცია პოლიტიკური თვალსაზრისით... და ძალიან მნიშვნელოვანია, რომ აშშ არ დაეხმაროს მას იზოლაციიდან გამოყვანაში, რადგან ეს საშიშია", — შეაჯამა უკრაინის პრეზიდენტმა.