"დემოკრატიას საფრთხეში არ არის, ბიუროკრატებს ემუქრება საფრთხე. "დიფ სთეითს" ემუქრება საფრთხე", — ამის შესახებ ისრაელის პრემიერმინისტრმა ბენიამინ ნეთანიუქუმ ისრაელის პარლამენტში, ქნესეთში განაცხადა. ამის შესახებ Times of Israel წერს.

ის ეგრეთ წოდებული 40-ხელმოწერის დებატებზე გამოვიდა სიტყვით, რომლის მოწვევაც ოპოზიციას თვეში ერთხელ შეუძლია და პრემიერმინისტრი ვალდებულია დაესწროს.

დებატების თემაა "არაბულ საზოგადოებაში კრიმინალის ზრდა და მოქალაქეების სიცოცხლის უგულებელყოფა". თუმცა, მისი უმეტესი ნაწილი ფოკუსირებული იყო მთავრობის ბოლო ნაბიჯებზე — უმაღლესი თანამდებობის პირების გათავისუფლებაზე, სასამართლო სისტემაზე მეტი კონტროლის მოპოვების მცდელობაზე, რასაც კრიტიკოსებმა ანტიდემოკრატიული უწოდეს.

მისი თქმით, "მოხელეთა მცირე ჯგუფს" არჩეული მთავრობის წინააღმდეგ მუშაობს.

"დემოკრატია უმრავლესობის მმართველობაა", — თქვა მან და გააკრიტიკა "ქუჩებში არსებულ ანარქიას" და მოუწოდა ოპოზიციას, "სცადონ ხალხის ნების პატივისცემა".

ჰამასის წინააღმდეგ მიმდინარე ომთან მიმართებაში ნეთანიაჰუმ თქვა, რომ თუ ჰამასი მძევლებს არ გაათავისუფლებს, მაშინ ისრაელი ტერიტორიებს დაიკავებს.

"ღაზაში ბრძოლა გრძელდება. რაც უფრო დიდხანს იტყვის ჰამასი მძევლების გათავისუფლებაზე უარს, მით უფრო ძლიერი იქნება ჩვენი ზეწოლა. ეს ტერიტორიების დაკავებას მოიცავს და კიდევ ბევრ სხვა რამეს, რასაც ახლა აქ არ ჩამოვთვლი", — თქვა ნეთანიაჰუმ.